കൊവിഡ് തീ‍ര്‍ന്നാലും ഈ വ‍ര്‍ക്ക് ഫ്രം ഹോം തീരില്ലേ?

കൊച്ചി: കൊവിഡ് 19 പ്രതിസന്ധി കൂടുതൽ പേരിലേക്ക് പടർന്ന് തുടങ്ങിയതോടെ രാജ്യത്തെ ഐടി കമ്പനികൾ ഉൾപ്പെടെ ജീവനക്കാർക്ക് വർക്ക് ഫ്രം ഹോം അനുവദിച്ചു തുടങ്ങിയിരുന്നു. ഇപ്പോൾ പൊതു സ്വകാര്യ മേഖലയിലെ മിക്ക കമ്പനികളും ജീവനക്കാർക്ക് വീട്ടിലിരുന്നു ജോലി ചെയ്യാൻ അനുവാദം നൽകുന്നുണ്ട്. എന്നാൽ കൊറോണ തീർന്നാലും വർക്ക് ഫ്രം ഹോം തീരില്ലേ എന്നാണ് ഇപ്പോൾ ജീവനക്കാരുടെ സംശയം.

കമ്പനികളുടെ പ്രവ‍ര്‍ത്തനച്ചെലവ് കുറയ്ക്കുന്നതിനും ജീവനക്കാരുടെ കാര്യക്ഷമത വ‍ര്‍ധിപ്പിയ്ക്കുന്നതിനും ഒക്കെ വ‍ര്‍ക്ക് ഫ്രം ഹോം അനുവദിയ്ക്കുകയാണ് ഏറ്റവും നല്ല വഴിയെന്നാണ് എച്ച്ആ‍ര്‍ മാനേജ‍ര്‍മാരുടെയും പക്ഷം.

Also Read: ഐസലേഷൻ വാർഡുകളിൽ ഇനി റോബോട്ടുകൾ മരുന്നും ഭക്ഷണവും വിതരണം ചെയ്യും

യാത്രാ സമയം ഒഴിവാക്കാം എന്നതാണ് ജീവനക്കാരെ സംബന്ധിച്ചിടത്തോളമുള്ള മെച്ചം. ഈ വകയിലുള്ള പണം നഷ്ടവും ഒഴിവാകും. കസ്റ്റമ‍ര്‍ സര്‍വീസ്, ഫോൺ ബാങ്കിങ്. എച്ച്ആ‍ര്‍, കോ‍ര്‍പ്പറേറ്റ് ഓഫീസ്, തുടങ്ങിയ മേഖലകളിൽ ജോലി ചെയ്യുന്ന 20-30 ശതമാനം ആളുകൾക്കും വെ‍ര്‍ച്വൽ ആയി ജോലി ചെയ്യാനാകും എന്ന് ആക്സിസ് ബാങ്ക് വൈസ് പ്രസിഡൻറ് വ്യക്തമാക്കുന്നു.

വെ‍ര്‍ച്വൽ വ‍ര്‍ക്ക് പ്ലേസുകൾ തന്നെയാണ് ഇനി ഭാവിയിലെ തൊഴിലിടങ്ങൾ എന്നാണ് എല്ല കോ‍ര്‍പ്പറേറ്റ് കമ്പനികളുടെ ഹ്യൂമൻ റിസോഴ്സസ് മേധാവികൾ ഒരേ സ്വരത്തിൽ അഭിപ്രായപ്പെടുന്നത്.