കോച്ചുകളിൽ കൂടുതൽ ഐസലേഷൻ വാർഡുകളുമായി റയിൽവേ

ന്യൂഡൽഹി: രാജ്യത്ത് കൊറോണ ബാധിതർ കൂടിയതോടെ റെയിൽവേ കോച്ചുകളിൽ കൂടുതൽ ഐസലേഷൻ സൌകര്യമൊരുക്കുകയാണ് ഇന്ത്യൻ റയിൽവേ. ഒരാഴ്ച കൊണ്ട് 40,000 ഐസലേഷൻ കിടക്കകൾ സജ്ജീകരിച്ചെങ്കിലും ഉടൻ കൂടുതൽ കോച്ചുകൾ ഐസലേഷനായി സജ്ജീകരിക്കും.

20,000 ത്തോളം പഴയ കോച്ചുകളാണ് ഐസലേഷൻ വാ‍ര്‍ഡുകളായി പരിവ‍ര്‍ത്തിപ്പിയ്ക്കുന്നത്. കൊറോണ മൂലം ഏഷ്യയിലെ തന്നെ ഏറ്റവും വലിയ റെയിൽ നെറ്റ് വ‍ര്‍ക്കായ ഇന്ത്യൻ റെയിൽവേ പാസഞ്ച‍ര്‍ ട്രെയിനുകൾ റദ്ദു ചെയ്തിരുന്നു. റെയിൽവേയുടെ 167 വ‍ര്‍ഷത്തെ ചരിത്രത്തിലെ തന്നെ ആദ്യ സംഭവമായിരുന്നു ഇത്. ഏപ്രിൽ 14 വരെയാണ് ട്രെയിൻ സ‍ര്‍വീസുകൾ നി‍ര്‍ത്തിവെച്ചിരിയ്ക്കുന്നത്.



സാധാരണയായി 20, 000 പാസഞ്ച‍ര്‍ ട്രെയിനുകളാണ് രാജ്യത്ത് ഒരു ദിവസം ഓടുന്നത്. ലോക്ക്ഡൗൺ മൂലം 67,368 കിലോമീറ്ററുകൾ വരുന്ന റെയിൽവേ ട്രാക്ക് ഉപയോഗിയ്ക്കാതെ കിടക്കുകയാണ്.