വാടക ഇനത്തിൽ ലഭിയ്‍ക്കേണ്ട 12 കോടി രൂപ വേണ്ടെന്ന് വെച്ച് യൂസഫലി

കൊച്ചി: പ്രളയത്തെ ഒറ്റക്കെട്ടായി അതിജീവച്ചതു പോലെ കൊറോണക്കാലത്തും മനുഷത്വത്തിൻറെയും നൻമയുടെയും മാതൃകകളായി മാറുന്ന നിരവധി മലയാളികളുണ്ട്. വ്യവസായ പ്രമുഖനായ എം.എ യൂസഫലിയും അഭിനന്ദനാർഹമായ ഒരു നടപടിയുമായി എത്തിയിരിക്കുകയാണ്.

കൊറോണ വ്യാപനം ഭയന്ന് ആളുകൾ ഷോപ്പിങ്ങുകൾ ഒഴിവാക്കിയിരിക്കുന്നതിനാൽ സാമ്പത്തിക പ്രതിസന്ധി നേരിടുന്ന ലുലുമാളിലെ റീട്ടെയ്ൽ സ്റ്റോറുകൾക്ക് ഒരു മാസം വാടക ഒഴിവാക്കി നൽകിയാണ് അദ്ദേഹം മാതൃകയാകുന്നത്. വാടക ഇനത്തിൽ ലഭിയ്‍ക്കേണ്ട 11 കോടി രൂപയാണ് ലുലു ഗ്രൂപ്പ് ചെയർമാനായ അദ്ദേഹം ഇളവു ചെയ്തിരിക്കുന്നത്.

Also Read: കൊറോണക്കാലത്ത് കേരളത്തിൽ നിന്ന് മനുഷത്വത്തിൻറെ വേറിട്ടൊരു മാതൃക

കൊച്ചിയിലെ ലുലുമാളിനു പുറമെ തൃശൂർ വൈമാളിലെ വ്യാപാരികൾക്കും അദ്ദേഹം വാടക ഇളവു നൽകി. ഒരു കോടി രൂപയുടെ വാടക വരുമാനമാണ് ഈ മാസം വേണ്ടെന്ന് വെച്ചിരിക്കുന്നത്. കൊറോണ പ്രതിസന്ധി സൃഷ്ടിച്ചിരിക്കുന്നതിനാൽ മാളുകളിലുൾപ്പെടെയുള്ള മിക്ക ഷോപ്പുകളും നഷ്ടത്തിലാണിപ്പോൾ. ഈ സാഹചര്യം മുന്നിൽക്കണ്ടാണ് യൂസഫലിയുടെ ഇടപെടൽ എന്നത് ശ്രദ്ധേയമാണ്.