കൊവിഡ് 19; ഓൺലൈൻ ഓർഡറുകൾ കൂടുന്നു

കൊച്ചി: കൊവിഡ് 19 മൂലം വൻകിട കമ്പനികൾ നിയമനങ്ങൾ എല്ലാം നിർത്തി വെച്ചിരിക്കുകയാണെങ്കിൽ, പുതിയ നിയമനങ്ങൾ ധാരാളം നടക്കുന്ന ഒരു മേഖലയുണ്ട്. ഇ കൊമേഴ്സ്. കൊറോണ പ്രതിസന്ധി മൂലം റീട്ടെയ്ൽ സ്റ്റോറുകൾ എല്ലാം അടച്ചപ്പോഴും ഇ-കൊമേഴ്സ് വിപണി സജീവമാണ്.

അവശ്യ സാധനങ്ങൾ പോലും ഇ-കൊമേഴ്സ് പ്ലാറ്റ് ഫോമിലൂടെ ഓർഡർ ചെയ്യാൻ ശ്രമിയ്ക്കുകയാണ് ആളുകൾ. കഴിഞ്ഞ ഒരു മാസത്തിനിടയ്ക്ക് ഇ കൊമേഴ്സ് വിൽപ്പനയിൽ 40 ശതമാനം വർധനയുണ്ടായതായി പഠനം. അതേസമയം അത്യാവശ്യമുള്ള സാധനങ്ങൾ മാത്രമേ ആളുകൾ വാങ്ങുന്നുള്ളൂ എന്നതിനാൽ ആവറേജ് ഓർഡർ വാല്യു കുറഞ്ഞിട്ടുണ്ട്. 31 ശതമാനത്തോളമാണ് ഇത്തരത്തിൽ വരുമാനം ഇടിവ്.

Also Read: കൊറോണ; ഇന്ത്യയ്ക്ക് 100 കോടി ഡോളറിൻറെ സഹായം അനുവദിച്ച് ലോക ബാങ്ക്

ഇ- കൊമേഴ്സ് ഭീമൻമാരായ ഗ്രോഫേഴ്സ് 10,000 പേര വെയർഹൌസ്, ലോജിസ്റ്റിക്സ് വിഭാഗങ്ങളിലായി പുതിയതായി നിയമിയ്ക്കും എന്ന് സൂചനയുണ്ട്. ഇ-ഗ്രോസറി പ്ലാറ്റ്ഫോമായ ബിഗ്ബാസ്ക്കറ്റും ഇന്ത്യയിൽ കൂടുതൽ നിയമനങ്ങൾ നടത്തിയേക്കും.

കൊറോണ പ്രതിസന്ധി മൂലമുള്ള പെൻഡിങ് ഡെലിവറി ഉൾപ്പെടെ പൂർത്തീകരിയ്ക്കാനാണ് നിയമനം. 26 നഗരങ്ങളിൽ നിയമനം നടത്തും. 21 ദിവസം ലോക്ക് ഡൌൺ പ്രഖ്യാപിച്ചിരിയ്ക്കുന്നതിനാൽ ഓർഡറുകളുണ്ടെങ്കിലും വിതരണം ചെയ്യാനാകാതെ പ്രതിസന്ധി നേരിടുന്നുണ്ട് കമ്പനികൾ.