കൊവിഡ് 19 ; പിഎഫിൽ നിന്ന് തുക പിൻവലിയ്ക്കാം

കൊച്ചി; കൊറോണ പ്രത്യേക സാമ്പത്തിക പാക്കേജിൻറെ ഭാഗമായി പിഎഫ് അക്കൌണ്ട് ഉടമകൾക്കും ആശ്വാസകരമായ പ്രഖ്യാപനങ്ങൾ ഉണ്ട്. പ്രൊവിഡൻറ് ഫണ്ടിൽ നിന്ന് 75 ശതമാനം തുക അല്ലെങ്കിൽ മൂന്നു മാസത്തെ ശമ്പളത്തിനു തുല്ല്യമായ തുക (ഇതിൽ ഏതാണോ കുറവ്) അത് പിൻവലിയ്ക്കാൻ ആകും.

ഇപിഎഫ്ഒയിൽ രജിസ്റ്റർ ചെയ്തിട്ടുള്ള തൊഴിലാളികൾക്കാണ് ഇതിൻറെ ആനുകൂല്യം ലഭിയ്ക്കുക. ചെറുകിട സ്ഥാപനങ്ങളിലെ തൊഴിലാളികളുടെ മൂന്നു മാസത്തെ പിഎഫ് തുക സർക്കാർ അടയ്ക്കും എന്ന് പ്രഖ്യാപിച്ചിരുന്നു.

Also Read: കൊറോണ; പ്രത്യേക സാമ്പത്തിക പാക്കേജിലെ പ്രഖ്യാപനങ്ങൾ അറിയാം

ആരോഗ്യ പ്രവർത്തകർക്ക് പ്രഖ്യാപിച്ചിരിയ്ക്കുന്ന പ്രത്യേക ഇൻഷുറൻസ് പാക്കേജിന് പുറമെയാണിത്. പ്രീമിയം തുക അടയ്ക്കാതെ തന്നെ 50 ലക്ഷം രൂപയുടെ ഇൻഷുറൻസ് പരിരക്ഷയാണ് രാജ്യത്തെ ആരോഗ്യ പ്രവർത്തകർക്ക് ലഭിയ്ക്കുക. കേന്ദ്ര, സംസ്ഥാന സർക്കാർ ആശുപത്രികളിലും ആരോഗ്യ കേന്ദ്രങ്ങളിലും കൊവിഡ് പ്രതിരോധ ചികിത്സാ പ്രവർത്തനങ്ങളിൽ ഏർപ്പെടുന്നവർക്ക് പരിരക്ഷ ലഭിയ്ക്കും.