ഇനി പാത്രം കഴുകേണ്ട; ഡിഷ് വാഷര്‍ കഴുകിക്കൊള്ളും; വിൽപ്പന കുതിയ്ക്കുന്നു

കൊച്ചി: പാത്രം കഴുകാൻ മടിയുള്ളവര്‍ക്ക് സഹായമാവുകയാണ് ഡിഷ് വാഷറുകൾ. റെഫ്രിജറേറ്ററുകളും വാഷിങ് മെഷിനുകളും പോലെ ഇവ നിത്യജീവിതത്തിൻെറ ഭാഗമാവുകയാണിപ്പോൾ. വിവിധ കമ്പനികളുടെ ഡിഷ് വാഷര്‍ ഉത്പന്നങ്ങളുടെ വിൽപ്പന രാജ്യത്ത് കുതിയ്ക്കുന്നു. 250 ശതമാനമാണ് വിൽപ്പനയിലെ വര്‍ധന. വാഷിങ് മെഷിനുകൾ, റെഫ്രിജറേറ്ററുകൾ, മൈക്രോവേവുകൾ എന്നിവയുടെ വിൽപ്പനയിലും വര്‍ധനയുണ്ട്.

കൊവിഡ് ലോക്ക് ഡൗണിനെ തുടര്‍ന്ന് മാന്ദ്യത്തിലായിരുന്ന ഉപഭോക്തൃ ഉത്പന്നങ്ങളുടെ വിപണി 50 ശതമാനത്തോളം ഉയര്‍ന്നു കഴിഞ്ഞു. ജൂണിൽ വിൽപ്പന ഉയര്‍ന്നതാണ് ഈ രംഗത്ത് പ്രതീക്ഷ വര്‍ധിപ്പിയ്ക്കുന്നത്. ഓൺലൈനിലൂടെയാണ് ഇപ്പോൾ വിൽപ്പനയിൽ അധികവും നടക്കുന്നത്.

Also Read: പേപ്പര്‍ പൾപ്പിലൂടെ പ്രതിമ നി‍ര്‍മാണം; വരുമാനം ലക്ഷങ്ങൾ

കൊവിഡ് വ്യാപനത്തിനു ശേഷം ഡിഷ് വാഷറുകളുടെ വിൽപ്പനയിൽ 5-6 ശതമാനം വര്‍ധനയുണ്ടെന്ന് ബിഎസ്എച്ച് ഹോം അപ്ലയൻസസ് വ്യക്തമാക്കുന്നു. പാനസോണിക് , ഗോദറേജ് അപ്ലയൻസസ് എന്നിവയുടെ ഡിഷ് വാഷര്‍ വിൽപ്പനയിലും വര്‍ധനയുണ്ട്. 20,000 രൂപ മുതൽ വിലയിൽ ഡിഷ് വാഷറുകൾ ലഭ്യമാണ്. പ്ലേറ്റുകളും ഗ്ലാസുകളും എല്ലാം ഡിഷ് വാഷര്‍ ഉപയോഗിച്ച് കഴുകാനാകും.