കൊവി‍ഡ് കടക്കെണി; വരുമാനമില്ലാതെ സ്വയം തൊഴിൽ ചെയ്യുന്ന ആയിരങ്ങൾ

ബെംഗളൂരൂ: കൊവിഡ് മൂലം ബെംഗളൂരു നഗരത്തിൽ വരുമാനമില്ലാതെ ബുദ്ധിമുട്ടുകയാണ് സ്വയം തൊഴിൽ ചെയ്യുന്ന ആയിരങ്ങൾ. പേഴസണൽ ഫിനാൻസ് മാര്‍ക്കറ്റിങ് ആൻഡ് കൺസൾട്ടിങ് കമ്പനിയായ പൈസബസാര്‍ നടത്തിയ പഠനത്തിലാണ് വെളിപ്പെടുത്തൽ.

ബെംഗളൂരു നഗരത്തിൽ സ്വയം തൊഴിൽ ചെയ്യുന്ന 90 ശതമാനം പേര്‍ക്കും കൊവിഡ് മൂലം വരുമാനം നഷ്ടപ്പെട്ടു എന്നാണ് പഠനത്തിൽ പറയുന്നത്. 61 ശതമാനം ശമ്പള വരുമാനക്കാര്‍ക്കും ഉണ്ട് കൊവിഡ് മൂലമുള്ള വരുമാന നഷ്ടം. ഏറ്റവും കൂടുതൽ വരുമാന നഷ്ടം ഉള്ളവരിൽ മുംബൈ,ഡൽഹി നഗരങ്ങളിൽ ഉള്ളവരാണ് മുന്നിൽ. കൊവിഡ് സാരമായി ബാധിച്ച മെട്രോ നഗരങ്ങളിൽ ഹൈദരാബാദും, ചെന്നൈ നഗരങ്ങളും ഉൾപ്പെടുന്നു.

Also Read: ഇനി ആധാരങ്ങള്‍ എവിടെയും രജിസ്റ്റര്‍ ചെയ്യാം; 'എനിവെയര്‍ രജിസ്ട്രേഷന്‍ സമ്പ്രദായം' ഇന്നു മുതല്‍

61 ശതമാനം നഗര നിവാസികളെയും പ്രതിസന്ധി ബാധിച്ചുകഴിഞ്ഞു. 24നും 57നും ഇടയിൽ പ്രായമുള്ള 35 നഗരങ്ങളിലെ നിവാസകൾക്കിടയിൽ ആണ് പഠനം നടത്തിയത്. ഒരു ലക്ഷം രൂപയോ അതിനു മുകളിലോ കടബാധ്യതയുള്ളവരിലാണ് പഠനം നടത്തിയത്. സര്‍വേയിൽ പങ്കെടുത്ത 86 ശതമാനം പേര്‍ക്കും കൊവിഡ് മൂലം വരുമാനം നഷ്ടപ്പെട്ടതായി കമ്പനി അധികൃതര്‍ വ്യക്തമാക്കി.

കൊവിഡ് പ്രതിസന്ധിയെതുടര്‍ന്ന് സര്‍ക്കാര്‍ പ്രഖ്യാപിച്ച മോറട്ടോറിയം ഏറ്റവും കൂടുതൽ പ്രയോജനപ്പെടുത്തിയത് മുംബൈ നഗരത്തിൽ ഉള്ളവരാണ്. സര്‍വേയിൽ പങ്കെടുത്ത ശമ്പള വരുമാനക്കാരിൽ 38 ശതമാനം പേരെ കൊവിഡ് പ്രതിസന്ധി ബാധിച്ചിട്ടില്ല. അവര്‍ കൊവിഡ് കാലത്തും പ്രതിമാസ ഇഎംഐ ഉൾപ്പെടെ തുടരുന്നുണ്ട്. അടുത്തെ ജൂലൈയോടെ കൊവിഡ് പ്രതിസന്ധിയിൽ നിന്ന് കരകയറി തുടങ്ങാൻ ആയേക്കും എന്നാണ് കരുതുന്നത്.