കൊറോണ; പ്രത്യേക സാമ്പത്തിക പാക്കേജിലെ പ്രഖ്യാപനങ്ങൾ അറിയാം

ന്യൂഡൽഹി: രാജ്യം കൊറോണ പ്രതിസന്ധിയിലൂടെ കടന്നു പോകുന്ന സാഹചര്യത്തിൽ പാവപ്പെട്ടവർക്കും ആരോഗ്യപ്രവർത്തകർക്കും എല്ലാം മുൻഗണന നൽകി പ്രത്യേക പാക്കേജുമായി ധനമന്ത്രി. ഭക്ഷ്യ സുരക്ഷ ഉറപ്പു വരുത്തുന്ന രീതിയിലാണ് പാക്കേജ്. 1.70 ലക്ഷം കോടി രൂപയാണ് ഇതിനായി വക ഇരുത്തിയിരിക്കുന്നത്.

Also Read: സൊമാറ്റോയിലൂടെ ഇനി സിവിൽ സപ്ലൈസ് ഉത്പന്നങ്ങൾ

പാക്കേജിലെ പ്രധാന പ്രഖ്യാപനങ്ങൾ ഇങ്ങനെ:

• ആരോഗ്യ പ്രവർത്തകർക്ക് മൂന്ന് മാസത്തെ ഇൻഷുറൻസ് പ്രഖ്യാപിച്ചു. 50 ലക്ഷം രൂപയുടെ ഇൻഷുറൻസ്
• ദരിദ്രർക്ക് മൂന്ന് മാസത്തേയ്ക്ക് ഒരു കിലോ പയറു വർഗം സൗജന്യജന്യമായി നൽകും.
• അഞ്ചു കിലോ വീതം അരിയോ, ഗോതമ്പോ നൽകും.
• പ്രധാനമന്ത്രി അന്ന യോജന പദ്ധതിയ്ക്ക് കീഴിൽ 80 കോടി ദരിദ്രർക്ക് സഹായം ലഭിയ്ക്കും
• 9.8 കോടി കർഷകർക്ക് പ്രത്യേക സഹായം.കർഷകർക്ക് കിസാൻ സമ്മാൻ നിധിയുടെ ആദ്യ ഗഡു നൽകും . 2,000 രൂപ നേരിട്ട് അക്കൌണ്ടിൽ എത്തും.
• തൊഴിലുറപ്പ് പദ്ധതിയിൽ ഉള്ളവർക്ക് പ്രത്യേക സഹായം.
• എട്ടു കോടി ദരിദ്ര കുടുംബങ്ങൾക്ക് 3 മാസത്തേക്ക് സൗജന്യഗ്യാസ് സിലണ്ടർ
• പ്രധാനമന്ത്രി ജൻധൻ അക്കൌണ്ടുള്ള വനിതകൾക്ക് 500 രൂപ വീതം.
• പാവപ്പെട്ട പൌരൻമാർക്കും വിധവകൾക്കും 1000 രൂപ വീതം അധികം നൽകും.
• ചെറുകിട സ്ഥാപനങ്ങളിലെ തൊഴിലാളികളുടെ മൂന്നു മാസത്തെ പി.എഫ് തുക സർക്കാർ നൽകും.