രോഹിത് ശർമ്മ ഓക്‌ലി ഐവെയറിന്റെ ബ്രാൻഡ് അംബാസഡർ

മുംബൈ: പെർഫോമൻസ് സ്‌പോർട്‌സ് ഐവെയർ ബ്രാൻഡായ ഓക്‌ലി ഇന്ത്യയുടെ പുതിയ ബ്രാൻഡ് അംബാസഡറായി ക്രിക്കറ്റ് താരം രോഹിത് ശർമയെ നിയമിച്ചു. രണ്ട് വർഷത്തേക്കാണ് കരാർ. പാർട്ണർഷിപ്പിന്റെ ഭാഗമായി സ്‌പോർട്‌സ് ലെൻസുകൾക്കായി പ്രത്യേകം തയ്യാറാക്കിയ പേറ്റന്റഡ് പ്രിസം സാങ്കേതികവിദ്യ ഉൾക്കൊള്ളുന്ന ഓക്‌ലി ഐവെയറിന്റെ പ്രെമോഷനാണ് താരം കൂടുതൽ പിന്തുണ നൽകുകയെന്നും ഓക്‌ലി ചൊവ്വാഴ്ച അറിയിച്ചു.

മുമ്പ് ക്രിക്കറ്റ് താരമായ വിരാട് കോഹ്‌‍ലി, നടനും മോഡലും സ്പോർട് താരവുമായ മിലിന്ദ് സോമൻ എന്നിവർ ഓക്‌ലി ഐവെയറിന്റെ ബ്രാൻഡ് അംബാസഡറായി സ്ഥാനമേറ്റിരുന്നു. ലോകത്തിലെ ഏറ്റവും മികച്ച ക്രിക്കറ്റ് താരങ്ങളിൽ ഒരാളായ രോഹിത് ശർമ്മ യുവതലമുറയ്ക്ക് പ്രചോദനവും കായിക മികവിൽ തന്റേതായ വ്യക്തിമുദ്ര പതിപ്പിച്ച ആളാണെന്നും ഓക്‌ലി ഗ്ലോബൽ ബ്രാൻഡ് ഡയറക്ടർ ബെൻ ഗോസ് പറഞ്ഞു.

Also Read: മൊറട്ടോറിയം കാലാവധി അവസാനിക്കുന്നു, വായ്പകൾ പുനഃക്രമീകരിക്കാൻ നിർദ്ദേശം

2009 മുതൽ ഇന്ത്യയിൽ പ്രവർത്തനം തുടരുന്ന ഓക്‌ലിക്ക് മൾട്ടി ബ്രാൻഡ് ഔട്ട്‌ലെറ്റുകളിലായി രണ്ടായിരത്തിലധികം റീട്ടെയിൽ സ്റ്റോറുകളുണ്ട്. പെർഫോമൻസ് ഐവെയർ ഉപയോക്താക്കൾക്ക് എന്തുകൊണ്ടാണ് നിർണായകമാകുന്നത് എന്നതിനെക്കുറിച്ച് ഓക്‌ലി നൽകിയ അവബോധമാണ് ഇന്ത്യൻ വിപണിയിൽ ഈ ബ്രാൻഡ് തഴച്ചുവളരാനുള്ള പ്രധാനകാരണം. ജീവിതശൈലിക്ക് വേണ്ടിയുള്ള ഫിറ്റ്നസ് കണ്ണടകളെക്കുറിച്ചുള്ള അവബോധം ഇന്ത്യൻ ഉപഭോക്താക്കളിൽ വർദ്ധിച്ചുകൊണ്ടിരിക്കുകയാണ്.

കഴിഞ്ഞ 10 വർഷത്തിനിടയിൽ ഓട്ടം, സൈക്ലിംഗ് ഇവന്റുകൾ എന്നിവ ഗണ്യമായി വർദ്ധിച്ചതിനാൽ രാജ്യത്ത് ഭാവി ശോഭനമാണെന്നും ഓക്‌ലി ഇന്ത്യ ഡെപ്യൂട്ടി ബ്രാൻഡ് ബിസിനസ് മാനേജർ സാഹിൽ ജാൻഡിയൽ പറഞ്ഞു. ഇ-കൊമേഴ്‌സ് പ്ലാറ്റ്‌ഫോമുകളായ ആമസോൺ, ഫ്ലിപ്കാർട്ട്, മിന്ത്ര, അജിയോ, ടാറ്റ ക്ലിക്ക് എന്നിവിടങ്ങളിൽ ഓക്‌ലി സൺഗ്ലാസ് അടക്കമുള്ള ഐവെയർ ഉത്പന്നങ്ങൾ ലഭ്യമാണ്.