കേന്ദ്ര ബജറ്റിലെ നികുതി ഇളവ്; നിങ്ങളുടെ നികുതി എത്ര കുറയും എന്നറിയാം

ന്യൂഡൽഹി: കേന്ദ്രബജറ്റിലെ ഏറ്റവും ശ്രദ്ധേയമായ പ്രഖ്യാപനങ്ങളിൽ ഒന്നായിരുന്നു ആദായ നികുതി ശ്ലാബുകൾ പരിഷ്കരിച്ചത്. അഞ്ച് ലക്ഷം രൂപ വരെയുള്ള വാ‍ര്‍ഷിക വരുമാനമുള്ളവര്‍ക്ക് ആദായ നികുതി നൽകേണ്ടതില്ല. പഴയതും പുതിയതുമായ നികുതിസ്ലാബുകൾ നികുതി ദായകർക്ക് തെരഞ്ഞെടുക്കാം എന്നും പുതിയ സ്ലാബ് തെരഞ്ഞെടുക്കുന്നവർക്ക് ആദായ നികുതി നിയമത്തിലെ 80 സിപ്രകാരം ലഭിക്കുമായിരുന്ന എല്ലാ ഇളവുകളും ലഭിയ്ക്കില്ല എന്നതും ശ്രദ്ധേയമാണ്.

അഞ്ചു ലക്ഷം രൂപ മുതൽ 7.5 ലക്ഷം രൂപ വരെയുള്ള വരുമാനക്കാര്‍ക്ക് 10 ശതമാനമാണ് നികുതി.
7.5 ലക്ഷം രൂപ മുതൽ 10 ലക്ഷം രൂപ വരെയുള്ള നികുതിദായക‍ര്‍ക്ക് 15 ശതമാനവും 10 ലക്ഷം രൂപ മുതൽ 12.5 ലക്ഷം രൂപ വരെ വരുമാനമുള്ളവ‍ര്‍ക്ക് 20 ശതമാനവുമാണ് നികുതി.15 ലക്ഷം രൂപയ്ക്ക് മുകളിൽ വരുമാനമുള്ളവ‍ര്‍ക്ക് 30 ശതമാനമാണ് നികുതി. സ്റ്റാൻഡേഡ് ഡിഡക്ഷൻസ് ഇല്ല.

Also Read: കേന്ദ്ര ബജറ്റ് ഒറ്റ നോട്ടത്തിൽ

5-7.5 ലക്ഷം രൂപ വാർഷിക വരുമാനമുള്ളവർക്ക് 20 ശതമാനം നികുതി ഇളവ്

നേരത്തെ രണ്ടര ലക്ഷം രൂപ വരെ വാർഷിക വരുമാനമുള്ളവർക്കാണ് നികുതി ഇളവുകൾ നൽകിയിരുന്നത്. രണ്ടര ലക്ഷം രൂപ മുതൽ അഞ്ച് ലക്ഷം രൂപ വരെ വരുമാനമുള്ളവർക്ക് അഞ്ച് ശതമാനമായിരുന്നു നികുതി.
അഞ്ച് ലക്ഷം രൂപ മുതൽ 10 ലക്ഷം രൂപ വരെ 20 ശതമാനമായിരുന്നു നികുതി. 10 ലക്ഷം രൂപയ്ക്കു മുകളിൽ വാർഷിക വരുമാനം ഉള്ളവർക്ക് 30 ശതമാനമായിരുന്നു നികുതി ഏർപ്പെടുത്തിയിരുന്നത്.

നിലവിൽ ആദായ നികുതി കുറച്ചതുമൂലം അഞ്ചു ലക്ഷം രൂപ വരെ വരുമാനമുള്ളവർ ആദായ നികുതി പരിധിയിൽ നിന്ന് പുറത്തായതിനൊപ്പം 5 ലക്ഷം രൂപ മുതൽ 7 ലക്ഷം രൂപ വരെ വരുമാനമുള്ളവർക്ക് 10 ശതമാനം നികുതിയാണ് ലാഭിക്കാനാകുക. 7-10 ലക്ഷം രൂപ വരുമാനമുള്ളവർക്ക് ഇത് 15 ശതമാനമാണ്. 10-12.5 ലക്ഷം രൂപ വരെ വരുമാനമുള്ളവർക്ക് 20 ശതമാനവും 12.5 - 15 ലക്ഷം രൂപ വരെ വരുമാനമുള്ളവർക്ക് 25 ശതമാനം വരെയും നികുതി ഇളവ് ലഭിയ്ക്കും. 15 ലക്ഷത്തിനു മുകളിൽ വരുമാനമുള്ളവർക്ക് 30 ശതമാനം വരെ നികുതി ഇളവുകൾ ലഭിക്കും.
78,000 രൂപ വരെയാണ് ഇത്തരത്തിൽ നികുതി ഇളവ് ലഭിയ്ക്കുക.