വാഹനം വാങ്ങുന്നവർക്ക് സുവർണാവസരം, വമ്പിച്ച ഓഫറുകളുമായി ഡാറ്റ്സൺ

ജാപ്പനീസ് വാഹന നിര്‍മ്മാതാക്കളായ നിസാന്റെ ഉടമസ്ഥതയിലുള്ള ‍ഡാറ്റ്സൺ കാറുകൾ വാങ്ങുന്നവരെ കാത്തിരിക്കുന്നത് വമ്പിച്ച ഓഫറുകളും ആനുകൂല്യങ്ങളും. ഡാറ്റ്സൺ ഗോ, ഡാറ്റ്‌സണ്‍ ഗോ പ്ലസ് എംപിവി, റെഡി-ഗോ, നിസാന്‍ കിക്‌സ് എസ്‌യുവി എന്നീ വാഹനങ്ങളാണ് ഓഫറിൽ ലഭ്യമാകുക. നറുക്കെടുപ്പിലൂടെ തെരഞ്ഞെടുക്കുന്ന ഒരു ഭാഗ്യശാലിയ്ക്ക് കാർ വാങ്ങാൻ മുടക്കിയ തുകയുടെ 100 ശതമാനം ക്യാഷ്ബാക്കും കമ്പനി ഓഫർ ചെയ്യുന്നു. ഓഗസ്റ്റ് 31ന് ഓഫർ അവസാനിക്കും.

ഇന്ത്യയിലെ എല്ലാ ഡീലർഷിപ്പുകളിൽ നിന്നുമുള്ള ആപ്ലിക്കേഷനുകൾ ഉൾപ്പെടുത്തിയാണ് ഭാഗ്യക്കുറി നടത്തുക. എക്‌സ്‌ഷോറൂം വിലയ്ക്കാണ് വാഹനങ്ങൾ ലഭ്യമാക്കുക. ഡാറ്റ്സൺ മോഡലുകളെ സംബന്ധിച്ചിടത്തോളം കഴിഞ്ഞ മാസം ക്യാഷ് ബാക്കോ ഡിസ്കൗണ്ടുകളോ ഒന്നും ഉണ്ടായിരുന്നില്ല. ഡാറ്റ്‌സണ്‍ ഗോ സ്വന്തമാക്കുന്നവര്‍ക്ക് 20,000 രൂപ ക്യാഷ് ഡിസ്‌കൗണ്ടും 20,000 രൂപ എക്‌സ്‌ചേഞ്ച് ഡിസ്‌കൗണ്ടുമാണ് ലഭിക്കുക. 10,000 രൂപയ്ക്ക് കോര്‍പ്പറേറ്റ് ഓഫറും കൊവിഡ് പ്രതിരോധ പ്രവർത്തനങ്ങളിൽ പങ്കാളികളായിട്ടുള്ള ആരോഗ്യപ്രവർത്തകർ, പോലീസ്, ഡോക്ടർമാർ തുടങ്ങിയവർക്ക് 5,000 രൂപ കിഴിവും ലഭിക്കും.

Also Read: ഈ സ്വാതന്ത്രദിനത്തിൽ സാമ്പത്തികമായി സ്വതന്ത്രനാകാം; അഞ്ച് എളുപ്പവഴികളിതാ..

ഡാറ്റ്‌സണ്‍ ഗോ പ്ലസ് എംപിവി വാങ്ങുന്നവര്‍ക്ക് 15,000 രൂപ ഫ്ലാറ്റ് ക്യാഷ് ഡിസ്‌കൗണ്ടും എക്‌സ്‌ചേഞ്ച് ചെയ്യുന്നവര്‍ക്ക് 20,000 രൂപ കിഴിവും ലഭിക്കും. ഡാറ്റ്‌സണ്‍ന്റെ ഏറ്റവും ചെറിയ കാറായ റെഡി-ഗോ സ്വന്തമാക്കുന്നവര്‍ക്ക് 30,000 രൂപ വരെ ആനുകൂല്യങ്ങള്‍ ലഭിക്കും. 15,000 രൂപ എക്‌സ്‌ചേഞ്ച് ബോണസ്, 10,000 രൂപ ലോയല്‍റ്റി ബോണസ്, 7.99 ശതമാനം പലിശ നിരക്ക് എന്നിവ ഇതില്‍ ഉള്‍പ്പെടും. ഇതിനുപുറമെ നിസാന്‍ കിക്‌സ് എസ്‌യുവി ബുക്ക് ചെയ്യാന്‍ ആഗ്രഹിക്കുന്നവര്‍ ക്യാഷ് ഡിസ്‌കൗണ്ട്, എക്‌സ്‌ചേഞ്ച്, ലോയല്‍റ്റി എന്നിവയും ലഭിക്കും.

നിസാന്‍, ഡാറ്റ്‌സണ്‍ വാഹനങ്ങൾ വാങ്ങാന്‍ താല്‍പര്യമുള്ള ഉപഭോക്താക്കളില്‍ ഒരാള്‍ക്ക് ലക്കി ഡിപ് സെലക്ഷന്റെ അടിസ്ഥാനത്തില്‍ ഒരു ലക്ഷം രൂപ വിലമതിക്കുന്ന സ്വര്‍ണവും ലഭിക്കും. 2020 സെപ്റ്റംബറിലാണ് സമ്മാനങ്ങൾക്ക് അർഹരായ വിജയികളെ പ്രഖ്യാപിക്കുക.