ആദായനികുതി റിട്ടേണ്‍സ്‍ ഫയല്‍ ചെയ്യേണ്ട തീയതി നീട്ടി

ന്യൂഡല്‍ഹി: ആദായ നികുതി റിട്ടേണ്‍സ്‍ സമര്‍പ്പിക്കേണ്ട തീയതി ഒരു മാസം നീട്ടിനല്‍കാന്‍ കേന്ദ്ര സര്‍ക്കാര്‍ തീരുമാനിച്ചു. ഓഗസ്റ്റ് 31 വരെ റിട്ടേണ്‍സ് സമര്‍പ്പിക്കാം. 2018-19 അസെസ്‍മെന്‍റ്‍ വര്‍ഷത്തെ റിട്ടേണ്‍സ് ആണ് ഫയല്‍ ചെയ്യേണ്ടത്. ജൂലൈ 31ന് ഐറ്റിആര്‍ സമര്‍പ്പിക്കണമെന്നായിരുന്നു മുന്‍ നിര്‍ദേശം.

ചില പ്രത്യേക വിഭാഗങ്ങള്‍ക്ക് ആണ് ഈ ആനുകൂല്യം എന്നാണ് വാണിജ്യമന്ത്രാലയം ട്വീറ്റ് ചെയ്‍തത്.

നികുതി വകുപ്പ് പുതിയ ആദായനികുതി റിട്ടേണ്‍സ് ഫോമുകള്‍ ഏപ്രിലില്‍ വിജ്ഞാപനം ചെയ്‍തിരുന്നു. ഓഡിറ്റിന് വിധേയമല്ലാത്ത നികുതിദായകര്‍ക്ക് ഇ-ഫയല്‍ സംവിധാനത്തിലൂടെ റിട്ടേണ്‍സ്‍ ഫയല്‍ ചെയ്യാന്‍ ജൂലൈ 31വരെയാണ് സമയം അനുവദിച്ചിരുന്നത്.

ഡിസംബര്‍ 31ന് മുന്‍പ് റിട്ടേണ്‍സ് ഫയല്‍ ചെയ്യാത്തവര്‍ക്ക് 5000 രൂപയും അതിനപ്പുറം വൈകുന്നവര്‍ക്ക് 10,000 രൂപയും പിഴ വിധിക്കാനാണ് കേന്ദ്ര സര്‍ക്കാര്‍ തീരുമാനം.