1,8000 ചതുരശ്ര അടിയിലെ സ്വപ്ന സൗധം
2.5 ഏക്കറിലാണ് വീടെങ്കിലും മൊത്തം 18,000 ചതുരശ്ര അടി വിസ്തീർണ്ണമുണ്ട് കെട്ടിടത്തിന്. അഞ്ച് ബെഡ്റൂമുകളുള്ള വീട് രണ്ട് നിലകളിലായാണ് . സമീപത്തെ കടൽത്തീരത്ത് നിന്ന് ഏകദേശം 10 മിനിറ്റ് അകലം മാത്രം.
അലിബാഗിലെ ശതകോടീശ്വരന്മാരുടെ തെരുവ് എന്നറിയപ്പെടുന്ന സതീർജെയിലാണ് വീട്. നിരവധി ബോളിവുഡ് താരങ്ങൾക്കും വ്യവസായികൾക്കും അലിബാഗിൽ ബംഗ്ലാവുകളുണ്ട്. ഷാരൂഖ് ഖാൻ, വേദാന്ത റിസോഴ്സസിൻെറ മേധാവികളിലൊരാളായ നവീൻ അഗർവാൾ, റെയ്മണ്ടിൻെറ ഗൗതം സിംഘാനിയ, ഇൻഫോസിസിലെ സലീൽ പരേഖ് തുടങ്ങിയവര്‍ക്കാണ് ഇവിടെ ബംഗ്ലാവുകൾ ഉള്ളത്.. രൺവീറിനും ദീപികയ്ക്കും മുംബൈയിൽ മറ്റൊരു ഫോര്‍ ബിഎച്ച്കെ ഫ്ലാറ്റും ഉണ്ട്.
മുംബൈയിലുള്ളത് 26-ാം നിലയിലെ ഫ്ലാറ്റ്
മുംബൈയിൽ ഇരുവരും താമസിച്ചിരുന്ന ഫ്ലാറ്റ് ദീപിക പദുക്കോണിൻെറ ഉടമസ്ഥതയിലാണ്. നാല് മുറികളുള്ള ആഡംബര ഫ്ലാറ്റ് ബ്യൂമോണ്ട് ടവേഴ്സ് എന്ന കെട്ടിടത്തിൻറെ 26-ആം നിലയിലാണ്. പിതാവും ബാഡ്മിന്റൺ ചാമ്പ്യനുമായ പ്രകാശ് പദുക്കോണിൻറെയും ദീപിതയുടെയും ഉടമസ്ഥതയിലുള്ളതാണ് ഈ ഫ്ലാറ്റ്. 2010- ൽ 16 കോടി രൂപയ്ക്ക് ആണ് ഈ ഫ്ലാറ്റ് വാങ്ങുന്നത്. സ്വന്തം അഭിരുചികൾക്ക് അനുസരിച്ച് ദീപിക പദുക്കോൺ ഇൻറീരിയര്‍ പൂർണ്ണമായും മാറ്റുകയായിരുന്നു. 2,776 ചതുരശ്ര അടി വിസ്തീർണ്ണമുള്ള ഫ്ലാറ്റിൽ മൂന്ന് പാർക്കിംഗ് ഏരിയയുണ്ട്. വസ്തു രജിസ്റ്റർ ചെയ്യുന്നതിന് 79 ലക്ഷം രൂപയായിരുന്നു അന്ന് സ്റ്റാമ്പ് ഡ്യൂട്ടി. ബ്യൂമണ്ട് ടവേഴ്സ് കോംപ്ലക്സ് എന്ന ആഡംബര പാര്‍പ്പിട സമുച്ചയം നിര്‍മിച്ചത് ഷെത്ത് ഡെവലപ്പേഴ്സ് ആണ്.