സംസ്ഥാനത്ത് ഡീസല്‍ വില സര്‍വകാല റെക്കോര്‍ഡില്‍

കൊച്ചി: സംസ്ഥാനത്ത് ഡീസല്‍ വില ചരിത്രകാല റെക്കോര്‍ഡ് നിലയിൽ. തലസ്ഥാന നഗരിയിൽ ഡീസല്‍ വില 70 രൂപ കടന്ന് 70.08 ലെത്തിയാണ് നഗരത്തിൽ ഇന്ന് ഡീസല്‍ വ്യാപാരം പുരോഗമിക്കുന്നത്. ഇന്നലെ 69.89 ആയിരുന്ന ഡീസല്‍ വിലയിൽ 19പൈസയാണ് വര്‍ധനവുണ്ടായത്.

കോഴിക്കോട് ഡീസല്‍ വില 23 പൈസ കൂടി 69.23 ആയപ്പോൾ മെട്രോ നഗരമായ കൊച്ചിയില്‍ ലിറ്ററിന് 68.94 രൂപയിലാണ് ഇന്നത്തെ ഡീസല്‍ വ്യാപാരം പുരോഗമിക്കുന്നത്. ഡീസല്‍ വില ക്രമാതീതമായി വര്‍ധിച്ചതോടെ പെട്രോള്‍ വിലയും ഡീസല്‍ വിലയിയും തമ്മിൽ 7 രൂപയുടെ വ്യത്യാസം മാത്രമേയുള്ളൂ.

മാര്‍ച്ച് മാസം മുഴുവൻ ദിവസേന 20-25 പൈസകൾ വീതമാണ് ഇന്ധനവില വര്‍ധിച്ചത്. തലസ്ഥാനത്ത് പെട്രോളിന് 18 പൈസ കൂടി ഇന്ന് 77.67 ആയപ്പോൾ കോഴിക്കോട് 24 പൈസ കൂടി 76.33ലെത്തി. കൊച്ചിയില്‍ 74.80 രൂപയിലാണ് പെട്രോൾ വ്യാപാരം പുരോഗമിക്കുന്നത്.