അദാനിക്കെതിരായ നടപടികള്‍ ഡിആര്‍ഐ അവസാനിപ്പിക്കുന്നു

മുംബൈ: അദാനി ഗ്രൂപ്പ് കമ്പനികള്‍ക്കെതിരായ നിയമനടപടികള്‍ ഡയറക്ടറേറ്റ് ഓഫ് റവന്യൂ ഇന്‍റലിജന്‍സ് (ഡിആര്‍ഐ) അവസാനിപ്പിക്കുന്നു. ഇറക്കുമതി ചെയ്‍ത ചില വസ്‍തുക്കളുടെ വില പെരുപ്പിച്ച് കാണിച്ചു എന്നാരോപിച്ചുള്ള കേസ് ഡിആര്‍ഐ അവസാനിപ്പിക്കുന്നതായി ഇൻഡ്യന്‍ എക്സ്പ്രസ് റിപ്പോര്‍ട്ട് ചെയ്‍തു.

ഊര്‍ജ്ജം, അടിസ്ഥാനസൗകര്യം എന്നിവയ്‍ക്കായുള്ള ഉപകരണങ്ങള്‍ വിദേശത്തുനിന്ന് ഇറക്കുമതി ചെയ്‍തപ്പോള്‍ 3974.12 കോടിയോളം രൂപ വിലയില്‍ പെരുപ്പിച്ചു കാണിച്ചു എന്നാണ് കേസ്. പൂജ്യം മുതല്‍ അഞ്ച് ശതമാനം വരെ മാത്രം നികുതിയുള്ളവയാണ് ഈ വസ്‍തുക്കള്‍. അദാനി ഗ്രൂപ്പിനു കീഴിലുള്ള അദാനി പവര്‍ മഹാരാഷ്ട്രാ ലിമിറ്റഡ്, അദാനി പവര്‍ രാജസ്ഥാന്‍ ലിമിറ്റഡ്, ഇലക്ട്രോജെൻ ഇൻഫ്രാ ഹോൾഡിങ്സ് പ്രൈവറ്റ് ലിമിറ്റഡ് എന്നീ കമ്പനികള്‍ക്കെതിരായിരുന്നു കേസ്.

ഈ കേസ് നിലനില്‍ക്കുന്നതല്ലെന്ന് ഡിആര്‍ഐ മുംബൈയിലെ കേസ് തീര്‍പ്പാക്കല്‍ വിഭാഗം അഡീഷനല്‍ ഡയറക്ടര്‍ ജനറല്‍ കെവിഎസ് സിങ് തീര്‍പ്പാക്കല്‍ വിധിയില്‍ പറഞ്ഞു. അഹമ്മദാബാദിലെയും മുംബൈയിലെയും കസ്റ്റംസ് ചീഫ് കമ്മീഷണര്‍മാര്‍ ഉള്‍പ്പെടുന്ന ഒരു കമ്മിറ്റി ഈ വിധി പരിശോധിച്ചശേഷമേ നടപടികള്‍ അവസാനിപ്പിക്കൂ. കമ്മിറ്റി 30 ദിവസത്തിനകം പുനപരിശോധന നടത്തും. ഇതില്‍ ഡിആര്‍ഐക്ക് ഇടപെടാനാവില്ല.

DRI authority strikes down proceedings against Adani Group firms

The adjudicating authority of the Directorate of Revenue Intelligence (DRI) K V S Singh has decided to strike down all proceedings launched by the DRI against the Adani Group firms.