ഇനി ലോകത്ത് എവിടെ ഇരുന്നു ജോലി ചെയ്യുന്നവര്‍ക്കും ദുബായി കമ്പനികളിൽ ജോലി ചെയ്യാം; ദുബായിലേക്ക് ചേക്കേറാം

കൊച്ചി: ലോകമെമ്പാടും വര്‍ക്ക് ഫ്രം ഹോം കൂടുതൽ വ്യാപകമാവുകയാണ്. ഈ സാഹചര്യത്തിൽ പുതിയ വര്‍ക്ക് ഫ്രം ഹോം നയങ്ങൾ തന്നെ രൂപീകരിയ്ക്കുകയാണ് ദുബായി. ലോകമെമ്പാടുമുള്ള പ്രൊഫഷണലുകൾക്ക് ദുബായിൽ ജോലി ചെയ്യാനുള്ള അവസരമാണ് ഒരുങ്ങുന്നത്.

പുതിയ നയത്തിൻെറ ഭാഗമായി ജോലി ചെയ്യുന്നവര്‍ക്ക് ആദായ നികുതി നൽകേണ്ടി വരില്ല. വിവിധ രാജ്യങ്ങളിൽ വീട്ടിലിരുന്നു ജോലി ചെയ്യുന്നവര്‍ക്കും കുടുംബാംഗങ്ങൾക്കും ദുബായിലേക്ക് ചേക്കേറുന്നതിനു അവസരം ഉണ്ടായിരിക്കും. ഇതിന് ആവശ്യമായ ഡിജിറ്റൽ പരിതസ്ഥിതികളും വാഗ്ദാനം ചെയ്യുകയാണ് ദുബായി.

Also Read: പ്രധാനമന്ത്രി നരേന്ദ്ര മോദി മുതൽമുടക്കുന്നത് സ്വര്‍ണത്തിലും റിയൽ എസ്റ്റേറ്റിലും; നിക്ഷേപ രീതികൾ അതിശയിപ്പിക്കും

കുറഞ്ഞത് ആറു മാസം എങ്കിലും വാലിഡിറ്റി ഉള്ള പാസ്പോര്‍ട്ട് ഉള്ളവര്‍ക്കും പ്രതിമാസം 5,000 യുഎസ് ഡോളര്‍ എങ്കിലും ശമ്പളം ഉള്ളവര്‍ക്കുമാണ് ഈ പദ്ധതിയുടെ ഗുണം ലഭിയ്ക്കുക. നിലവിലെ തൊഴിൽ ദാതാവ് നൽകിയ സാക്ഷ്യപത്രം, പേയ്മെൻറ് സ്ലിപ്, മൂന്ന് മാസത്തെ ബാങ്ക് സ്റ്റേറ്റ്‍മെൻറ് എന്നിവ സഹിതം ഇതിനായി അപേക്ഷിയ്ക്കാം.