ഇക്കോ ഫ്രണ്ട്‍‍‍‍‍ലി ബിസിനസിനോട് ഇഷ്ടം പ്രകടിപ്പിച്ച് സിനിമാ താരങ്ങള്‍

കൊച്ചി: പ്ലാസ്റ്റിക് ഉയര്‍ത്തുന്ന പ്രശ്നങ്ങളും പ്ലാസ്റ്റിക് നിരോധനത്തിന്‍റെ ആവശ്യകതയും ഒക്കെ വാര്‍ത്തകളില്‍ നിറയുമ്പോള്‍ ഇക്കോ ഫ്രണ്ട്‍‍‍‍‍ലി ഉത്പന്നങ്ങളോടും ബിസിനസിനോടും ഇഷ്ടം പ്രകടിപ്പിച്ച് കൂടുതല്‍ ആളുകള്‍ മുന്നോട്ട് വരുന്നുണ്ട്. ഇതില്‍ സെലിബ്രിറ്റികളും ഉള്‍പ്പെടുന്നു.അടുത്തിടെ സംസ്ഥാനത്ത് ഈ ഇഷ്ടം തുറന്നു പറഞ്ഞത് സിനിമാ താരം അനുമോളാണ്.

തന്‍റെ ജന്‍മദിനം തന്നെയാണ് പരിസ്ഥിതി സൗഹാര്‍ദ്ദ നടപടികളിലേക്ക് മാറാന്‍ തെരഞ്ഞെടുത്തതെന്ന് കൊച്ചി ടൈംസിനോട് അനുമോള്‍ വ്യക്തമാക്കിയിരുന്നു. ഇക്കോ ഫ്രണ്ട്ലി ലൈഫ് സ്റ്റൈല്‍ ഏറെ ഇഷ്ടപ്പെടുന്ന താരം ഇതിന് അനുസരിച്ച് വസ്ത്രധാരണത്തിലും ശൈലികളിലും വരെ മാറ്റം വരുത്തിയിരിക്കുകയാണ്.

പരിസ്ഥിതി സൗഹാര്‍ദ്ദത്തെക്കുറിച്ച് ഘോര പ്രഭാഷണങ്ങള്‍ നടത്തിയിട്ട് ജീവിത ശൈലിയില്‍ യാതൊരു മാറ്റങ്ങളും ഇല്ലാതെ മുന്നോട്ടു പോകുന്നതിനോട് താല്‍പ്പര്യം ഇല്ലാത്തതു തന്നെയാണ് കാരണം. ഹരിത നയങ്ങളുടെ ഭാഗമായി വസ്ത്രങ്ങള്‍ വാങ്ങിക്കൂട്ടുന്നത് അനുമോള്‍ കുറച്ചിരിക്കുകയാണ്. ഒരേ വസ്ത്രം തന്നെ പല സ്റ്റൈലില്‍ ഉപയോഗിക്കുകയാണ് ഇപ്പോള്‍ ചെയ്യുന്നത്.

പ്ലാസ്റ്റിക് കുപ്പികള്‍ക്കും ഗ്ലാസുകള്‍ക്കും ഒക്കെ പകരം സ്റ്റീല്‍ ഉത്പന്നങ്ങളാണ് ഉപയോഗിക്കുന്നത്. തടികൊണ്ടുള്ള ടൂത്ത് ബ്രെഷുകള്‍, റീസൈക്കിള്‍ഡ് നോട്ടുബുക്കുകള്‍ ഒക്ക മാറ്റങ്ങളുടെ ഭാഗമായി ജീവിത ശൈലിയില്‍ ഉള്‍പ്പെടുത്തിയിരിക്കുന്നു.