രണ്ടാം കൊറോണ സാമ്പത്തിക പാക്കേജ് ഉടൻ ഉണ്ടാകുമോ?

കൊച്ചി: രാജ്യത്ത് കൊവിഡ് 19 കൂടുതൽ പ്രതിസന്ധി സൃഷ്ടിച്ച സാഹചര്യത്തിൽ ജനങ്ങളെ സഹായിക്കാൻ 1.70 ലക്ഷം കോടി രൂപയുടെ പാക്കേജ് കേന്ദ്ര സർക്കാർ പ്രഖ്യാപിച്ചിരുന്നു. എന്നാൽ നിലവിലെ പാക്കേജു കൊണ്ട് ഇപ്പോഴുള്ള പ്രശ്നങ്ങൾ ഫലപ്രദമായി പരിഹരിയ്ക്കാൻ കഴിയില്ല. ഈ സാഹചര്യത്തിൽ രണ്ടാം സാമ്പത്തിക പാക്കേജ് പ്രഖ്യാപിയ്ക്കുന്നതിൻറെ സാധ്യതകൾ ധനമന്ത്രി നിർമലാ സീതാരാമൻ പ്രധാനമന്ത്രിയുമായി ചർച്ച നടത്തിയതായി സൂചന.

Also Read: കൊവിഡ് 19; 1.70 ലക്ഷം കോടി രൂപയുടെ പ്രത്യേക സഹായ പാക്കേജ് പ്രഖ്യാപിച്ച് ധനമന്ത്രി

കൊവിഡ് ബാധിതരെ സഹായിക്കാനും പ്രതിരോധ പ്രവർത്തനങ്ങൾക്കുമായി സർക്കാർ കൂടുതൽ സഹായങ്ങൾ പ്രഖ്യാപിച്ചേക്കും. പ്രധാനമന്ത്രിയുടെ ഓഫീസിൻറെയും ധനമന്ത്രാലയത്തിൻറെയും സാന്നിധ്യത്തിൽ നിലവിലെ സാമ്പത്തിക സ്ഥിതി അവലോകനം ചെയ്യാൻ കഴിഞ്ഞയാഴ്ച നിരവധി തവണ യോഗം ചേർന്നിരുന്നു.