നിങ്ങൾക്കും ബജറ്റ് നിർദേശങ്ങൾ സമർപ്പിക്കാം; അവസാന തിയതി ജനുവരി 20

കൊച്ചി: കേന്ദ്ര ബജറ്റിൽ ഉൾപ്പെടുത്തണമെന്ന് നിങ്ങൾ ആഗ്രഹിക്കുന്ന വിഷയങ്ങൾ ഉണ്ടോ? തീർച്ചയായും ഇത് സർക്കാരിനെ അറിയിക്കാം. ബജറ്റ് നി‍ര്‍ദേശങ്ങൾ നൽകാൻ ഇപ്പോൾ പൊതുജനങ്ങൾക്കും അവസരമുണ്ട് . പ്രധാനമന്ത്രി നരേന്ദ്രമോദിയാണ് ഇന്ത്യൻ പൗരൻമാരിൽ നിന്ന് ബജറ്റ് നി‍ര്‍ദേശങ്ങൾ ക്ഷണിച്ചിരിക്കുന്നത്.

130 കോടി ജനങ്ങളുടെ ആഗ്രഹങ്ങളാണ് കേന്ദ്ര സ‍ര്‍ക്കാര്‍ പ്രതിഫലിപ്പിക്കുന്നതെന്നും രാജ്യത്തിൻറെ വികസനത്തിനുള്ള വഴിയൊരുക്കുകയാണെന്നുമാണ് പ്രധാനമന്ത്രി ട്വിറ്ററിൽ കുറിച്ചത്.

Also Read: മോദി സര്‍ക്കാരും ഇത്തവണത്തെ ബജറ്റ് വെല്ലുവിളികളും

എങ്ങനെ നിർദേശങ്ങൾ അറിയിക്കും?

MyGov.in എന്ന വെബ്സൈറ്റിൽ നിങ്ങളുടെ ആശയങ്ങളും നി‍ര്‍ദേശങ്ങളും രേഖപ്പെടുത്താം. കമൻറ് ബോക്സിൽ നേരിട്ടോ, പിഡിഎഫ് ഫയൽ അറ്റാച്ച് ചെയ്തോ നിർദേശങ്ങൾ സമർപ്പിക്കാം.

Also Read: കേന്ദ്ര ബജറ്റ് ഇത്തവണ ശനിയാഴ്ച്ച; 2015-16നു ശേഷം ഇതാദ്യം

യൂണിയൻ ബജറ്റ് 2020ഉമായി ബന്ധപ്പെട്ട ആശയങ്ങളും നി‍ര്‍ദേശങ്ങളും പ്രത്യേക ഹാഷ്ടാഗുകൾ ഉപയോഗിച്ചാണ് നൽകേണ്ടത്. #IncomeTax #Finance #Farmers #Agriculture #Health #Education #Environment #WaterConservation #GST #Employment #Entrepreneurship #Railways #Infrastructure #Others തുടങ്ങിയ ഹാഷ്ടാഗുകളാണ് ബജറ്റ് നി‍ര്‍ദേശങ്ങൾക്കായി സമ‍ര്‍പ്പിക്കേണ്ടത്. കാ‍ര്‍ഷിക മേഖല, വിദ്യാഭ്യാസ മേഖല തുടങ്ങി വിവിധ മേഖലകൾ സംബന്ധിച്ച നി‍ര്‍ദേശങ്ങൾ പൗരൻമാ‍ര്‍ക്ക് നൽകാം. ജനുവരി 20 ആണ് നിർദേശങ്ങൾ സമർപ്പിക്കേണ്ട അവസാന തിയതി.

ഫെബ്രുവരി ഒന്നിനാണ് ധനമന്ത്രി നി‍ര്‍മലാ സീതാരാമൻ ബജറ്റ് അവതരിപ്പിക്കുന്നത്. രാജ്യം ഉറ്റു നോക്കുന്ന ബിജെപി സ‍ര്‍ക്കാരിൻറെ ബജറ്റ് ഇത്തവണ ശനിയാഴ്ച്ച ആണെന്നതും ശ്രദ്ധേയമാണ്.