ആദായ നികുതി റിട്ടേൺ സമ‍ര്‍പ്പിയ്ക്കാനുള്ള തീയതി നീട്ടി; പ്രത്യേക സാമ്പത്തിക പാക്കേജ് ഉടൻ

ന്യൂഡൽഹി: രാജ്യത്ത് കൊറോണ പട‍ര്‍ന്ന് പിടിയ്ക്കുന്ന സാഹചര്യത്തിൽ ആദായ നികുതി റിട്ടേൺ സമ‍ര്‍പ്പിയ്ക്കുന്നതിനുള്ള അവസാന തിയതി ഉയ‍ര്‍ത്തി കേന്ദ്ര സ‍ര്‍ക്കാര്‍. ജൂൺ 30 വരെയാണ് തിയതി നീട്ടിയിരിക്കുന്നത്. പാൻ കാ‍ര്‍ഡ് ആധാര്‍ കാര്‍ഡ് എന്നിവ ബന്ധിപ്പിയ്ക്കുന്നതിനുള്ള തിയതിയും നീട്ടി നൽകി. ജൂൺ 30 വരെയാണ് തിയതി നീട്ടിയിരിക്കുന്നത്. മാ‍ര്‍ച്ച് 31 ആയിരുന്നു മുമ്പ് നിശ്ചയിച്ചിരുന്ന അവസാന തിയതി.

കൊവിഡ് 19 നെ തുട‍ര്‍ന്ന് സാമ്പത്തിക പ്രതിസന്ധിയിൽ ആയ സമ്പദ് വ്യവസ്ഥയെ ഉത്തേജിപ്പിയ്ക്കാൻ പ്രത്യേക സാമ്പത്തിക പാക്കേജ് ഉടൻ പ്രഖ്യാപിയ്ക്കും എന്ന് ധനമന്ത്രി വ്യക്തമാക്കിയിട്ടുണ്ട്. എട്ടു മേഖലകളായി തിരിച്ചാണ് പാക്കേജ് നടപ്പാക്കുക എന്നാണ് സൂചന.

Also Read: ആദായ നികുതി റിട്ടേൺ സമ‍ര്‍പ്പിയ്ക്കാനുള്ള തിയതി നീട്ടി; പ്രത്യേക സാമ്പത്തിക പാക്കേജ് ഉടൻവിവിധ മന്ത്രാലായങ്ങൾ ഓരോ മേഖലയുമായി ബന്ധപ്പെട്ട നി‍ര്‍ദേശങ്ങൾ സമ‍ര്‍പ്പിയ്ക്കുന്നുണ്ടെന്നും വിശകലനം ചെയ്തതിന് ശേഷം അനുയോജ്യമായ പാക്കേജ് പ്രഖ്യാപിയ്ക്കും എന്നും അടുത്തിടെ ധനമന്ത്രി വ്യക്തമാക്കിയിരുന്നു.
ജിഎസ്ടി റിട്ടേണ്‍ വൈകുന്നതിനുള്ള പിഴ 12 ശതമാനത്തിൽ നിന്ന് 9 ശതമാനമാക്കി കുറച്ചു. അഞ്ചുകോടി വരെ വിറ്റുവരവുള്ളവര്‍ക്ക് പിഴയില്ല. വിവിധ റിട്ടേൺ സമർപ്പണത്തിനുള്ള അവസാന തിയതിയും ഉയർത്തിയിട്ടുണ്ട്.