സാമ്പത്തിക വർഷത്തിന്റെ അവസാന ആഴ്ച; ഓഹരി വിപണിക്കും ബാങ്കിനും ഏതൊക്കെ ദിവസം അവധിയുണ്ട്?
മാർച്ച് മാസത്തിലെ അവസാന ആഴ്ചയിൽ രണ്ട് പ്രധാന അവധികൾ കടന്നുവരുന്നു. ഹോളിയും ദുംഃഖവെള്ളിയും. രാജ്യത്തെ സ്റ്റോക്ക് എക്സ്ചേഞ്ചുകൾ ഈ രണ്ടു ദിവസവും പ്രവർത്തിക്കില്ല. എന്നാൽ ബാങ്കിങ് സ്ഥാപനങ്ങളുടെ അവധിയിൽ പ്രാദേശിക തലത്തിൽ വ്യത്യാസം വരുന്നുണ്ട്. ചില സംസ്ഥാനങ്ങളിൽ രണ്ട് ദിവസവും അവധി വരുന്നുണ്ടെങ്കിലും കേരളത്തിലെ ബാങ്കുകൾക്ക് അവധി ഒരു ദിവസമേയുള്ളു.
ഹൈലൈറ്റ്:
- ഈയാഴ്ചയിൽ രണ്ട് പ്രധാന അവധികൾ
- ഓഹരി വിപണി രണ്ട് ദിവസവും പ്രവർത്തിക്കില്ല
- സംസ്ഥാനത്തെ ബാങ്കുകൾക്ക് അവധി ഒരു ദിവസം മാത്രം
നടപ്പ് സാമ്പത്തിക വർഷത്തിന്റെ (2023 ഏപ്രിൽ - 2024 മാർച്ച്) അവസാന ആഴ്ചയിലേക്ക് കടക്കുകയാണ്. ഓഹരി വിപണിയിലെ നിക്ഷേപകർക്കും ബാങ്കിങ് രംഗത്തെ ഇടപാടുകാർക്കും നിർണായക ഘട്ടമാണിത്. ആദായ നികുതി ദായകരെ സംബന്ധിച്ചും പ്രാധാന്യമേറിയ ആഴ്ചയാകുന്നു. വരുന്ന അസസ്സ്മെന്റ് വർഷത്തിൽ ആദായ നികുതിയിൽ കിഴിവ് നേടുന്നതിനായുള്ള നിക്ഷേപങ്ങൾ നടത്തുന്നതിനു വേണ്ടി ലഭിക്കുന്ന അവസാന അവസരം. അതേസമയം മാർച്ച് അവസാന ആഴ്ചയിലേക്ക് അത്യാവശ്യ സാമ്പത്തിക ഇടപാടുകൾ മാറ്റിവെച്ചിട്ടുള്ളവർ, ഇനി വരുന്ന അവധി ദിനങ്ങളെ കുറിച്ച് ശ്രദ്ധിക്കുന്നത് ഉചിതമായിരിക്കും. പുതിയ ആഴ്ചയിൽ (മാർച്ച് 24 മുതൽ മാർച്ച് 30 വരെ) രാജ്യത്ത് പ്രവർത്തിക്കുന്ന സ്റ്റോക്ക് എക്സ്ചേഞ്ചുകൾക്കും ബാങ്കിങ് സ്ഥാപനങ്ങൾക്കും ബാധകമാകുന്ന അവധി ദിനങ്ങൾ കടന്നുവരുന്നുണ്ട്. ഇക്കാര്യം മനസ്സിലാക്കിയിരുന്നാൽ ഇടപാടുകൾ തടസ്സപ്പെടാതെ പൂർത്തിയാക്കാനാകും.
ഓഹരി വിപണി
രാജ്യത്തെ പ്രധാന സ്റ്റോക്ക് എക്സ്ചേഞ്ചുകളായ എൻഎസ്ഇ, ബിഎസ്ഇ എന്നിവയ്ക്ക്, പുതിയ വ്യാപാര ആഴ്ചയിൽ (മാർച്ച് 25 മുതൽ മാർച്ച് 29 വരെ) രണ്ട് അവധി ദിനങ്ങളാണ് ബാധകമാകുന്നത്. രാജ്യവ്യാപകമായി ഹോളി ആഘോഷിക്കുന്നതിനാൽ മാർച്ച് 25-ന് (തിങ്കളാഴ്ച) ബിഎസ്ഇയും എൻഎസ്ഇയും പ്രവർത്തിക്കുന്നതായിരിക്കില്ല. അതുപോലെ ദുഃഖവെള്ളി ആചരിക്കുന്നതിനാൽ മാർച്ച് 29-നും രാജ്യത്തെ സ്റ്റോക്ക് എക്സ്ചേഞ്ചുകൾക്ക് അവധിയായിരിക്കും.
ഇതോടെ ഇക്വിറ്റി, ഇക്വിറ്റി ഡെറിവേറ്റീവ്സ് (എഫ് & ഒ), സെക്യൂരിറ്റീസ് ലെൻഡിങ് ആൻഡ് ബോറോയിങ് (എസ്എൽബി) തുടങ്ങിയ വിഭാഗങ്ങളിലെ ഇടപാടുകളൊന്നും മാർച്ച് 25-നും 29-നും നടക്കുന്നതല്ല. കറൻസി ഡെറിവേറ്റീവ് വിഭാഗങ്ങളും ഈ ദിവസങ്ങളിൽ പ്രവർത്തിക്കരുന്നതല്ല. അതായത് മാർച്ച് മാസത്തിലെ അവസാന ആഴ്ചയിൽ രണ്ട് ദിവസം അവധി ആയതിനാൽ വ്യാപാര ആഴ്ച മൂന്ന് ദിവസമായി ചുരുങ്ങും. മാർച്ച് 26 മുതൽ 28 വരെയുള്ള മൂന്ന് ദിവസം മാത്രമായിരിക്കും വ്യാപാരം നടക്കുക.
കമ്മോഡിറ്റി എക്സ്ചേഞ്ച്
ഹോളി ആഘോഷിക്കുന്ന മാർച്ച് 25-ന് മൾട്ടി കമ്മോഡിറ്റി എക്സ്ചേഞ്ച് (എംസിഎക്സ്), നാഷണൽ കമ്മോഡിറ്റി എക്സ്ചേഞ്ച് (എൻസിഡിഇഎക്സ്) എന്നീ കമ്മോഡിറ്റി എക്സ്ചേഞ്ചുകൾ രാവിലെ 9 മണി മുതൽ 5 മണി വരെ പ്രവർത്തിക്കുന്നതല്ല. എന്നാൽ തിങ്കളാഴ്ച 5 മണിക്ക് ശേഷം പതിവ് വ്യാപാര സമയം പൂർത്തിയാകുന്നതു വരെ കമ്മോഡിറ്റി എക്സ്ചേഞ്ച് പ്രവർത്തിക്കുന്നതായിരിക്കും. അതേസമയം മാർച്ച് 29-ന് എല്ലാ സെഷനിലും കമ്മോഡിറ്റി എക്സ്ചേഞ്ചുകൾക്ക് അവധിയായിരിക്കും.
ബാങ്ക് അവധി
മാർച്ച് 25-ന് കേരളത്തിലെ ബാങ്കുകൾക്ക് അവധിയല്ല. എന്നാൽ ത്രിപുര, ഗുജറാത്ത്, മിസോറം, മഹാരാഷ്ട്ര, മധ്യപ്രദേശ്, ജമ്മു, സിക്കിം, അരുണാചൽ പ്രദേശ്, ആന്ധ്രാപ്രദേശ്, പശ്ചിമ ബംഗാൾ, തെലങ്കാന, മേഘാലയ, രാജസ്ഥാൻ, ഛത്തീസ്ഗഡ്, ഉത്തരാഖണ്ഡ്, ഉത്തർപ്രദേശ്, ചാണ്ഡിഗഡ്, ജാർഖണ്ഡ്, ഹിമാചൽ പ്രദേശ് എന്നിവിടങ്ങളിലെ ബാങ്കുകൾക്ക് ഹോളി ദിവസം അവധിയാണ്. അതേസമയം മാർച്ച് 29 ദുഃഖവെള്ളി ദിവസം കേരളത്തിലെ ബാങ്കുകൾക്ക് അവധിയാണ്.
ഓഹരി വിപണി
രാജ്യത്തെ പ്രധാന സ്റ്റോക്ക് എക്സ്ചേഞ്ചുകളായ എൻഎസ്ഇ, ബിഎസ്ഇ എന്നിവയ്ക്ക്, പുതിയ വ്യാപാര ആഴ്ചയിൽ (മാർച്ച് 25 മുതൽ മാർച്ച് 29 വരെ) രണ്ട് അവധി ദിനങ്ങളാണ് ബാധകമാകുന്നത്. രാജ്യവ്യാപകമായി ഹോളി ആഘോഷിക്കുന്നതിനാൽ മാർച്ച് 25-ന് (തിങ്കളാഴ്ച) ബിഎസ്ഇയും എൻഎസ്ഇയും പ്രവർത്തിക്കുന്നതായിരിക്കില്ല. അതുപോലെ ദുഃഖവെള്ളി ആചരിക്കുന്നതിനാൽ മാർച്ച് 29-നും രാജ്യത്തെ സ്റ്റോക്ക് എക്സ്ചേഞ്ചുകൾക്ക് അവധിയായിരിക്കും.
ഇതോടെ ഇക്വിറ്റി, ഇക്വിറ്റി ഡെറിവേറ്റീവ്സ് (എഫ് & ഒ), സെക്യൂരിറ്റീസ് ലെൻഡിങ് ആൻഡ് ബോറോയിങ് (എസ്എൽബി) തുടങ്ങിയ വിഭാഗങ്ങളിലെ ഇടപാടുകളൊന്നും മാർച്ച് 25-നും 29-നും നടക്കുന്നതല്ല. കറൻസി ഡെറിവേറ്റീവ് വിഭാഗങ്ങളും ഈ ദിവസങ്ങളിൽ പ്രവർത്തിക്കരുന്നതല്ല. അതായത് മാർച്ച് മാസത്തിലെ അവസാന ആഴ്ചയിൽ രണ്ട് ദിവസം അവധി ആയതിനാൽ വ്യാപാര ആഴ്ച മൂന്ന് ദിവസമായി ചുരുങ്ങും. മാർച്ച് 26 മുതൽ 28 വരെയുള്ള മൂന്ന് ദിവസം മാത്രമായിരിക്കും വ്യാപാരം നടക്കുക.
കമ്മോഡിറ്റി എക്സ്ചേഞ്ച്
ഹോളി ആഘോഷിക്കുന്ന മാർച്ച് 25-ന് മൾട്ടി കമ്മോഡിറ്റി എക്സ്ചേഞ്ച് (എംസിഎക്സ്), നാഷണൽ കമ്മോഡിറ്റി എക്സ്ചേഞ്ച് (എൻസിഡിഇഎക്സ്) എന്നീ കമ്മോഡിറ്റി എക്സ്ചേഞ്ചുകൾ രാവിലെ 9 മണി മുതൽ 5 മണി വരെ പ്രവർത്തിക്കുന്നതല്ല. എന്നാൽ തിങ്കളാഴ്ച 5 മണിക്ക് ശേഷം പതിവ് വ്യാപാര സമയം പൂർത്തിയാകുന്നതു വരെ കമ്മോഡിറ്റി എക്സ്ചേഞ്ച് പ്രവർത്തിക്കുന്നതായിരിക്കും. അതേസമയം മാർച്ച് 29-ന് എല്ലാ സെഷനിലും കമ്മോഡിറ്റി എക്സ്ചേഞ്ചുകൾക്ക് അവധിയായിരിക്കും.
ബാങ്ക് അവധി
മാർച്ച് 25-ന് കേരളത്തിലെ ബാങ്കുകൾക്ക് അവധിയല്ല. എന്നാൽ ത്രിപുര, ഗുജറാത്ത്, മിസോറം, മഹാരാഷ്ട്ര, മധ്യപ്രദേശ്, ജമ്മു, സിക്കിം, അരുണാചൽ പ്രദേശ്, ആന്ധ്രാപ്രദേശ്, പശ്ചിമ ബംഗാൾ, തെലങ്കാന, മേഘാലയ, രാജസ്ഥാൻ, ഛത്തീസ്ഗഡ്, ഉത്തരാഖണ്ഡ്, ഉത്തർപ്രദേശ്, ചാണ്ഡിഗഡ്, ജാർഖണ്ഡ്, ഹിമാചൽ പ്രദേശ് എന്നിവിടങ്ങളിലെ ബാങ്കുകൾക്ക് ഹോളി ദിവസം അവധിയാണ്. അതേസമയം മാർച്ച് 29 ദുഃഖവെള്ളി ദിവസം കേരളത്തിലെ ബാങ്കുകൾക്ക് അവധിയാണ്.