ഉത്സവകാലം; ആമസോണും ഫ്ലിപ്കാര്‍ട്ടും ചേര്‍ന്ന് വിറ്റഴിയ്ക്കുന്നത് 1.5 കോടി സ്മാര്‍ട്ട്ഫോണുകൾ

ന്യൂഡൽഹി: ഫ്ലിപ്കാര്‍ട്ട്, ആമസോൺ ഷോപ്പിങ് ഫെസ്റ്റിവലിൽ ഏറ്റവുമധികം വിറ്റഴിയുന്ന ഉത്പന്നങ്ങളിൽ ഒന്നാണ് സ്മാര്‍ട്ട്ഫോണുകൾ. ഈ ഫെസ്റ്റീവ് ഓഫറുകളുടെ ഭാഗമായി മാത്രം 1.5 കോടി യൂണിറ്റ് സ്മാര്‍ട്ട്ഫോണുകൾ കമ്പനികൾ വിറ്റഴിയ്ക്കുകയാണ്.

ഈ വര്‍ഷം 12.8 കോടി യൂണിറ്റ് ഫോണുകൾ വിറ്റഴിയ്ക്കാൻ ആകും എന്നാണ് വിവിധ കമ്പനികൾ കണക്കാക്കുന്നത്. ജൂലൈയിൽ 12.7 കോടി യൂണിറ്റുകൾ എന്നാണ് കണക്കാക്കിയത് എങ്കിലും ഫെസ്റ്റീവ് ഓഫറിൽ സ്മാര്‍ട്ട്ഫോൺ വിൽപ്പന ഉയര്‍ന്നതാണ് പ്രതീക്ഷയ്ക്ക് വക നൽകുന്നത്. ഒക്ടോബര്‍-ഡിസംബര്‍ ത്രൈമാസത്തിലെ മൊത്തം വിൽപ്പനയേക്കാൾ കൂടുതലാണ് ഈ കമ്പനികളുടെ ഉത്സവകാല വിൽപ്പന. 36 ശതമാനം അധികമാണ് സ്മാര്‍ട്ട്ഫോണുകളുടെ മാത്രം ഉത്സവകാല വിൽപ്പന.

Also Read: ക്രെഡിറ്റ്, ഡെബിറ്റ് കാര്‍ഡ് ഉപഭോക്താക്കൾക്ക് തകര്‍പ്പൻ ഓഫറുകൾ; വിവിധ ബാങ്കുകളുടെ ഓഫറുകൾ അറിയാം

2020-ൽ 12.8 കോടി സ്മാര്‍ട്ട്ഫോണുകൾ രാജ്യത്ത് വിറ്റഴിയ്ക്കും എന്നാണ് കണക്കാക്കുന്നത്. ഈ സാമ്പത്തിക വര്‍ഷത്തിൻെറ അവസാന മൂന്ന് മാസങ്ങളിൽ 4.1 കോടി യൂണിറ്റ് സാമാര്‍ട്ട്ഫോണുകൾ വിറ്റഴിയ്ക്കാൻ ആയേക്കും. ഇതിൽ ഇ-കൊമേഴ്സ് സൈറ്റുകൾക്കും ഉണ്ട് പ്രധാന പങ്ക്.

സാംസങ്, റിയൽമി എന്നിവയുടെ വിൽപ്പന ഉയര്‍ന്നിട്ടുണ്ട്. മൈക്രോമാക്സും വിപണിയിൽ തിരിച്ചു വരവിൻെറ സൂചനകൾ നൽകുന്നുണ്ട്. ഷവോമി, ഓപ്പോ, വിവോ എന്നീ ബ്രാൻഡുകൾക്ക് സ്ഥിരതയാര്‍ന്ന പ്രകടനം കാഴ്ച വയ്ക്കാൻ കഴിയും എന്നാണ് പ്രതീക്ഷ. അതേസമയം നോക്കിയ, ലെനോവ ഫോണുകളുടെ വിൽപ്പന കുറഞ്ഞിട്ടുണ്ട്. പ്രീമിയം സെഗ്മെൻറിൽ ആപ്പിൾ ഫോണുകളും തിളങ്ങുന്നുണ്ട്.