ഫ്ലിപ്‍കാർട്ടിനെ ആഗോള വ്യവസായ ഭീമൻ വാൾമാർട്ട് ഏറ്റെടുത്തു

മുംബൈ: പ്രമുഖ ഓൺലൈൻ വ്യാപാരശൃംഖലയായ ഫ്ലിപ്‍കാർട്ടിനെ വാൾമാർട്ട് ഏറ്റെടുത്തു. 20 മില്യൺ ഡോള(ഏകദേശം 101017കോടി രൂപ) റിന് ഫ്ലിപ്‍കാർട്ടിനെ വാൾമാർട്ട് ഏറ്റെടുക്കുന്നതായാണ് വിവരം. ഫ്ലിപ്‍കാർട്ടിന്‍റെ 75 ശതമാനം ഓഹരികൾ വാങ്ങാനായി വാൾമാർട്ട് കരാർ ഒപ്പിട്ടതായാണ് സൂചന.

സോഫ്റ്റ് ബാങ്ക് സിഇഒ മാസയോഷി സോൺ വാൾമാർട്ട് കരാർ ഒപ്പിട്ടതായി സ്ഥിരീകരിച്ചു. ജപ്പാൻ സമയം ഇന്നലെ രാത്രിയാണ് കരാർ ഒപ്പിട്ടത്. സോഫ്റ്റ് ബാങ്കിനായിരുന്നു ഫ്ലിപ്‍കാർട്ടിൽ ഏറ്റവും കൂടുതൽ ഓഹരികളുണ്ടായിരുന്നത്. ഫ്ലിപ്‍കാർട്ടിൽ ഓഹരികളുണ്ടായിരുന്ന ഗ്ലോബൽ മാനേജ്‌മെന്റും അവരുടെ ഓഹരികൾ വിറ്റൊഴിയും. വാൾമാർട്ട് ചരിത്രത്തിലെ ഏറ്റവും വലിയ ഏറ്റെടുക്കലാണ് നടത്തിയിരിക്കുന്നത്. വാൾമാർട്ടും ആമസോണുമായിരിക്കും ഇനി ഇന്ത്യൻ ഓണലൈൻ വിപണിയിൽ ഏറ്റുമുട്ടാൻ പോകുന്നത്. അൽപസമയത്തിനുള്ളിൽ വാൾമാർട്ട് സിഇഒ ഏറ്റെടുക്കൽ ബെംഗലൂരുവില്‍ ഔദ്യോഗികമായി പ്രഖ്യാപിക്കും.