സാനിറ്റൈസറുകൾക്ക് വില കുറച്ച് വൻകിട കമ്പനികൾ

ന്യൂഡൽഹി: ശനിയാഴ്ച്ച മുതൽ ഹാൻഡ് സാനിറ്റൈസറുകളുടെ വില കുറച്ച് വൻകിട കമ്പനികൾ. ജൂൺ 30 വരെയാണ് വില കുറച്ചിരിക്കുന്നത്. 200 എംഎൽ സാനിറ്റൈസറിന് 100 രൂപയായി ആണ് വില കുറച്ചിരിക്കുന്നത്.

ഹിന്ദുസ്ഥാൻ യൂണിലിവ‍ര്‍, ഐടിസി, ഗോദറേജ് കൺസ്യൂമ‍ര്‍, ഹിമാലയ, ഡാബ‍ര്‍ തുടങ്ങിയ കമ്പനികൾ സാനിറ്റൈസറുകൾക്ക് വില കുറച്ചിട്ടുണ്ട്. രാജ്യത്ത് കൊറോണ പ്രതിസന്ധി കൂടുതൽ രൂക്ഷമായിക്കൊണ്ടിരിക്കുന്ന സാഹചര്യത്തിൽ ഷോപ്പുകളിൽ ആവശ്യത്തിന് സാനിറ്റൈസ‍ര്‍ എത്തുന്നുണ്ടെന്ന് ഉറപ്പാക്കും എന്നും കമ്പനികൾ അറിയിച്ചു.

Also Read: മാസ്ക്, സാനിറ്റൈസർ പരമാവധി വില നിശ്ചയിച്ചു; കൂടുതൽ ഈടാക്കിയാൽ പരാതി നൽകാം

ശനിയാഴ്ച്ച സാനിറ്റൈസറുകളുടെ വില കുറച്ചുകൊണ്ട് സ‍ര്‍ക്കാ‍ര്‍ വിജ്ഞാപനം ഇറക്കിയിരുന്നു. ഇതേ തുട‍ര്‍ന്നാണ് കമ്പനികൾ വില കുറയ്ക്കാൻ തയ്യാറായിരിക്കുന്നത്.

സാവ്ലോൺ എന്ന പേരിൽ ഉത്പന്നങ്ങൾ പുറത്തിറക്കുന്ന ഐടിസി, ഡെറ്റോൾ ബ്രാൻഡിൽ ഉത്പന്നങ്ങൾ പുറത്തിറക്കുന്ന ആ‍ര്‍ബി ഇന്ത്യ തുടങ്ങിയ കമ്പനികൾ സാനിറ്റൈസറുകളുടെ ഉത്പാദനം വ‍ര്‍ധിപ്പിയ്ക്കും എന്ന് അറിയിച്ചിട്ടുണ്ട്.