ഓഹരി വിപണിയിലെ വിദേശ നിക്ഷേപം വർധിക്കുന്നു

ന്യൂഡൽഹി: വിദേശ നിക്ഷേപകർക്ക് ഇന്ത്യൻ ഓഹരി വിപണിയോടുള്ള പ്രിയം മടങ്ങി വരുന്നു. നവംബറിൽ ഓഹരി വിപണിയിലെ വിദേശ നിക്ഷേപത്തിൽ വർധന.വിദേശ പോര്‍ട്ട്ഫോളിയോ നിക്ഷേപകര്‍ ഇന്ത്യൻ ഓഹരി വിപണിയിൽ നവംബറിൻറെ ആദ്യ പതിനഞ്ചു ദിവസങ്ങളിൽ മാത്രം നിക്ഷേപിച്ചത് 19,203 കോടി രൂപയാണ്.

ഇതിൽ 14,435.6 കോടി രൂപ ഓഹരികളിലാണ് നിക്ഷേപിച്ചത്. 4,767 കോടി രൂപയോളം കടപ്പത്രങ്ങളിലാണ് നിക്ഷേപിച്ചിരിക്കുന്നത്. ഒക്ടോബറിൽ 16,464 കോടി രൂപയായിരുന്നു വിദേശ പോര്‍ട്ട് ഫോളിയോ നിക്ഷേപം. ഓഹരികളിലും കടപ്പത്രങ്ങളിലും ആയാണ് ഇത്. സെപ്റ്റംബറിൽ ഇത് 6,5578 കോടി രൂപ മാത്രമായിരുന്നു.

വാഹന വിപണിയിൽ ഉണര്‍വ്വ് പ്രകടമായതും കോര്‍പ്പറേറ്റ് നികുതി കുറച്ചതും വാഹന വിപണിയിൽ ഉണര്‍വ്വ് പ്രകടമായതും ഉൾപ്പെടെയുള്ള ഘടകങ്ങൾ ഓഹരി വിപണിയിലെ
വിദേശ നിക്ഷേപം ഉയര്‍ത്തി.

Also Read: എയര്‍ ഇന്ത്യ, ഭാരത് പെട്രോളിയം മാര്‍ച്ചോടെ വില്‍ക്കും; നയം വ്യക്തമാക്കി ധനമന്ത്രി