കർണാടക വോട്ടെടുപ്പ് കഴിഞ്ഞതോടെ ഇന്ധനവില കൂടി

കൊച്ചി: കർണാടകയിൽ വോട്ടെടുപ്പ് കഴിഞ്ഞതോടെ ഇന്ധനവിലയിൽ വർധന. കൊച്ചിയിൽ പെട്രോൾ വില ലിറ്ററിന് 17 പൈസ കൂടി 77.52 രൂപയായി. ഡീസൽ ലിറ്ററിന് 23 പൈസ കൂടി 70.56 രൂപയായി. 19 ദിവസങ്ങളുടെ ഇടവേളക്ക് ശേഷമാണ് ഇന്ധനവിലയിൽ മാറ്റമുണ്ടാകുന്നത്.

കഴിഞ്ഞമാസം 24ന് ദിവസേനയുണ്ടാകുന്ന വില മാറ്റം നിർത്തിവെച്ചിരുന്നു. ദിവസേന വില വർധിപ്പിച്ചാൽ കർണാടക തെരഞ്ഞെടുപ്പിൽ അത് ദോഷകരമായി ബാധിക്കുമെന്നും കേന്ദ്ര സർക്കാരിന് മുന്നറിയിപ്പ് ലഭിച്ചിരുന്നു. രാജ്യാന്തര വിപണിയിൽ അസംസ്‌കൃത എണ്ണയുടെ വില കൂടുന്നതിനാൽ ഇനിയും ഇന്ധനവില കൂടിയേക്കാം.