കൊറോണ; ലോകത്തിന് ചെലവ് 4.1 ലക്ഷം കോടി ഡോളറിലേറെ

കൊച്ചി: കൊറോണ മൂലം ലോകത്തിൻറെ ചെലവ് 4.1 ലക്ഷം കോടി ഡോളറിലേറെയാകുമെന്ന് ഏഷ്യൻ ഡെവലപ്മെൻറ് ബാങ്ക്. യുഎസ്, യൂറോപ്പ്, ചൈന തുടങ്ങിയ പ്രധാന സമ്പദ് വ്യവസ്ഥകളിൽ നിന്നാണ് ഇത്രയധികം തുക നഷ്ടമാകുന്നത്. ഇത് ഏകദേശ കണക്ക് മാത്രമാണ്. നഷ്ടം ഇനിയും ഉയർന്നേക്കാം.

Also Read: കൊറോണ; വരാനിരിയ്ക്കുന്നത് വലിയ ഭക്ഷ്യക്ഷാമമോ?

ലോകത്തിൻറെ മൊത്തം ഉത്പാദനത്തിൻറെ അഞ്ചു ശതമാനത്തോളം കൊറോണ ഇല്ലാതാക്കുെമന്നാണ് സൂചന. ഒരു നൂറ്റാണ്ടിനിടയിലെ തന്നെ ഏറ്റവും വലിയ പകർച്ച വ്യാധിയാണിത്. വിവിധ മേഖലകളിൽ ദുരവ്യാപകമായ പ്രത്യാഘാധങ്ങൾ ഉണ്ടാകും.

ചുരുങ്ങിയ കാലംകൊണ്ടു മാത്രം രണ്ടു ലക്ഷം കോടി ഡോളറിലേറെ നഷ്ടമായിക്കഴിഞ്ഞു.ഓഹരി വിപണിയിലെ പ്രതിസന്ധി മൂലം നിക്ഷേപകർക്ക് വൻ തുക ഇതോടകം നഷ്ടമായിക്കഴിഞ്ഞു. വിവിധ രാജ്യങ്ങളിലെ ഗവൺമെൻറുകൾ സഹായ പദ്ധതികൾ പ്രഖ്യാപിച്ചെങ്കിലും ഇവയ്ക്കൊന്നും നികത്താനാകുന്നതല്ല നഷ്ടം എന്ന സൂചന തന്നെയാണ് ഏഷ്യൻ ഡെവലപ്മെൻറ് ബാങ്കും നൽകുന്നത്.

Also Read: കൊറോണ; ഇന്ത്യയ്ക്ക് 100 കോടി ഡോളറിൻറെ സഹായം അനുവദിച്ച് ലോക ബാങ്ക്

മിക്ക ഏഷ്യൻ രാജ്യങ്ങളിലും ലോക്ക്ഡൌൺ പ്രഖ്യാപിച്ചിരിയ്ക്കുന്നതിനാലും ഉത്പാദനം നിലച്ചിരിയ്ക്കുന്നതിനാലും എഷ്യയുടെ സാമ്പത്തിക വളർച്ച കുറയും. 1998 ന് ശേഷമുള്ള ഏറ്റവും കുറഞ്ഞ നിരക്കായിരിക്കും ഇത്. 2.2 ശതമാനം മാത്രമായിരിക്കും ഈ വർഷം വളർച്ച.