കൊറോണ; ആഗോള സാമ്പത്തിക മാന്ദ്യം രൂക്ഷമാകും എന്ന സൂചനയുമായി യുഎൻ സെക്രട്ടറി ജനറൽ

കൊച്ചി: കൊറോണ വൈറസ് ഭീതിയിൽ കൂടുതൽ ലോക രാജ്യങ്ങൾ അകപ്പെട്ടതോടെ ലോകം ആഗോളമാന്ദ്യത്തിലേക്ക് നീങ്ങുകയാണ് എന്ന സൂചന നൽകി യുഎൻ. കടുത്ത അനിശ്ചിതത്വമാണ് കൊവിഡ് 19 സൃഷ്ടിച്ചു കൊണ്ടിരിയ്ക്കുന്നത്. ഇത് സമ്പദ് വ്യവസ്ഥയിലും പ്രത്യാഘാധങ്ങൾ ഉണ്ടാക്കുമെന്ന് യുഎൻ സെക്രട്ടറി ജനറൽ അൻറോണിയോ ഗുട്ടേഴ്സ് മുന്നറിയിപ്പ് നൽകി.

ലോകമെമ്പാടും കൊറോണ ബാധിച്ചു മരിച്ചവരുടെ എണ്ണം 10,000 ആയി. ഇറ്റലിയിൽ മരണം 627 ആയി. ഫ്രാൻസിൽ 24 മണിക്കൂറിനുള്ളിൽ റിപ്പോ‍ര്‍ട്ട് ചെയ്തത് 78 മരണങ്ങൾ. കാര്യങ്ങൾ കടുത്ത അനിശ്ചിതത്വത്തിലേക്കാണ് നീങ്ങുന്നതെന്ന സൂചനയാണ് ഈ അവസരത്തിൽ യുഎൻ നൽകുന്നത്.

Also Read:കൊറോണ ലോകമെമ്പാടുമുള്ള 2.5 കോടി ജോലികൾ ഇല്ലാതാക്കും എന്ന് യുഎൻ

കൊറോണ ആഗോള സമ്പത്തിൽ നിന്ന് രണ്ടു ലക്ഷം കോടി ഡോളറിലേറെ തുടച്ചു നീക്കുമെന്ന് അടുത്തിടെ മുന്നറിയിപ്പുകൾ ഉണ്ടായിരുന്നു. ടൂറിസം, ഏവിയേഷൻ, ഉത്പാദനം, കയറ്റുമതി തുടങ്ങി ഏതാണ്ട് എല്ലാ മേഖലകളെ വൈറസ് പ്രതിസന്ധി സാരമായി ബാധിച്ചു തുടങ്ങി. ലോക വ്യാപകമായി രണ്ടു കോടിയിൽ അധികം തൊഴിലുകളും വൈറസ് തുടച്ചു നീക്കുമെന്ന ് യുഎൻ അടുത്തിടെ മുന്നറിയിപ്പ് നൽകിയിരുന്നു.