ഗൂഗിൾ പണിമുടക്കി; ജിമെയിൽ ലഭ്യമല്ല, പരാതിയുമായി ഉപഭോക്താക്കൾ

ന്യൂഡൽഹി: ഒരു ദിവസം ഗൂഗിൾ ലഭ്യമാകാതിരുന്നാലോ? ഈ കൊറോണക്കാലത്ത് അത് സംഭവിച്ചു. ജിമെയിൽ ഉൾപ്പെടെയുള്ള ഗൂഗിൾ സേവനങ്ങൾ ആഗള വ്യാപകമായി ഇടവിട്ട് പണി മുടക്കി. ചില ഉപഭോക്താക്കൾക്കാണ് സാങ്കേതിക പ്രശ്നം മൂലം ജിമെയിലും ഗൂഗിൾ ഡ്രൈവും ഹാങ് ഔട്ടും ഉൾപ്പെടെ ലഭ്യമല്ലാതെ വന്നത്.

ജിമെയിലിൽ ഫയലുകൾ അറ്റാച്ച് ചെയ്യാൻ പറ്റാത്തത് മെയിൽ അയക്കുന്നവരെ ബുദ്ധിമുട്ടിലാക്കി. ലോകം എമ്പാടുമുള്ള ദശലക്ഷക്കണക്കിന് ഉപഭോക്താക്കളാണ് ദിവസേന ജിമെയിൽ ഉപയോഗിയ്ക്കുന്നത്.
ഗൂഗിൾ ഡ്രൈവിലോ ഫയലുകൾ ഷെയര്‍ ചെയ്യാനോ അപ്‍ലോഡ് ചെയ്യാനോ ആകുന്നില്ല. പരാതിപ്പെട്ടവര്‍ക്ക് ഗൂഗിൾ എൻജിനിയര്‍മാര്‍ പ്രശ്നം പരിഹരിയ്ക്കാൻ ശ്രമിയ്ക്കുകയാണ് എന്ന മറുപടിയാണ് ലഭിച്ചിരിയ്ക്കുന്നത്.

Also Read: വിപണി മൂല്യം രണ്ട് ട്രില്യൺ ഡോണറിലെത്തുന്ന ആദ്യ അമേരിക്കൻ കമ്പനിയായി ആപ്പിൾ; കുതിപ്പ് കൊവിഡ് തിരിച്ചടിക്കിടെ


പ്രശ്നം പരിഹരിയ്ക്കും എന്നും ഉപഭോക്താക്കൾക്ക് ഇത് സംബന്ധിച്ച കൂടുതൽ അപ്ഡേറ്റുകൾ ലഭ്യമാക്കും എന്നും ഗൂഗിൾ അധികൃതര്‍ വ്യക്തമാക്കിയിട്ടുണ്ട്. ഇന്ത്യ, ആസ്ട്രേലിയ, ജപ്പാൻ തുടങ്ങിയ രാജ്യങ്ങളിൽ ആണ് ഉപഭോക്താക്കൾ പരാതിയുമായി എത്തിയത്. രണ്ടു മാസത്തിനിടയിൽ ഇത് രണ്ടാം തവണയാണ് ജിമെയിൽ ഇടയ്ക്കിടയ്ക്ക് പണിമുടക്കുന്നത്.