ഗൂഗിൾ ജിയോയുടെ 7.7 ശതമാനം ഓഹരികൾ വാങ്ങും; നിക്ഷേപിയ്ക്കുന്നത് 33,737 കോടി രൂപ

മുംബൈ: ജിയോ പ്ലാറ്റ്‍ഫോമിൽ ഗൂഗിൾ വൻ നിക്ഷേപത്തിന് തയ്യാറെടുക്കുന്ന വിവരങ്ങൾ വെളിപ്പെടുത്തി റിലയൻസ് ഇൻഡസ്ട്രീസ് ചെയര്‍മാൻ മുകേഷ് അംബാനി. ഏകദേശം 33,737 കോടി രൂപയോളമാണ് ഗൂഗിൾ നിക്ഷേപിയ്ക്കുക. ജിയോയുടെ 7.7 ശതമാനം ഓഹരികൾ ഗൂഗിൾ വാങ്ങിയേക്കും എന്നാണ് സൂചന.

എൻട്രി ലെവൽ 4 ജി, 5 ജി സ്മാര്‍ട്ട് ഫോണുകൾക്കായി റിലയൻസ് ഗൂഗിളുമായി കൈകോര്‍ക്കും. അടുത്ത മൂന്ന് വര്‍ഷത്തിനുള്ളിൽ 50 കോടി ഉപഭോക്താക്കളെയാണ് ജിയോ ലക്ഷ്യമിടുന്നത്

Also Read: റിലയൻസ് ഓഹരികൾ സര്‍വ്വകാല റെക്കോര്‍ഡിൽ; എല്ലാ കണ്ണുകളും വാര്‍ഷിക പൊതുയോഗത്തിൽ

റിലയൻസിൻെറ 43-ാം വാര്‍ഷിക പൊതുയോഗത്തിലാണ് ജിയോയുടെ പുതിയ പദ്ധതികളും നിക്ഷേപങ്ങളും മുകേഷ് അംബാനി വിശദീകരിച്ചത്. റിലയൻസ് ഇൻഡസ്ട്രീസ് ഇപ്പോൾ സമ്പൂര്‍ണ കട രഹിത കമ്പനിയായി എന്നും മുകേഷ് അംബാനി പ്രഖ്യാപിച്ചു. റിലയൻസ് റീട്ടെയ്ൽ വിഭാഗത്തിന് കീഴിൽ വാട്സാപ്പുമായി ചേര്‍ന്ന് ജിയോമാര്‍ട്ട് പ്രവര്‍ത്തനങ്ങൾ വിപുലീകരിയ്ക്കും.