ലാഭകരമല്ലാത്തതിനാൽ സൗജന്യ വൈഫൈ സേവനം നിർത്തി ഗൂഗിൾ

കൊച്ചി: പൊതു സ്ഥലങ്ങളിൽ ഗൂഗിളിൻറെ സൗജന്യ വൈഫൈ ഇനി ഉണ്ടാവില്ല. റെയിൽ വേ സ്റ്റേഷൻ ഉൾപ്പെടെയുള്ള പൊതു സ്ഥലങ്ങളിൽ ആണ് ഗൂഗിൾ ഫ്രീ വൈഫൈ നൽകിക്കൊണ്ടിരുന്നത്. റെയിൽ വേ സ്റ്റേഷനുകളിലെ ഫ്രീ വൈഫൈ ഗൂഗിൾ സ്റ്റേഷൻ പദ്ധതിയാണ് കമ്പനി ഉപേക്ഷിക്കുന്നത്. വളരെ കുറഞ്ഞ നിരക്കിലാണ് ഡേറ്റ ലഭ്യമാക്കുന്നത് എന്നതിനാൽ ലാഭകരമല്ലാത്തതിനെ തുടർന്നാണ് വേണ്ടെന്നു വയ്ക്കുന്നത്. ഇന്ത്യൻ റെയിൽവേയും റെയിൽടെലും ചേർന്നാണ് ഇന്ത്യയിൽ പദ്ധതി അവതരിപ്പിക്കുന്നത്.

Also Read: എയർടെൽ 10,000 രൂപ കുടിശ്ശിക നൽകി; വോഡഫോണിൻറെ അപേക്ഷ നിരസിച്ച് സുപ്രീം കോടതി

ഇന്ത്യയ്ക്കു പുറമേ തായ്ലൻഡ്, ഇന്തോനേഷ്യ, ഫിലിപ്പൈൻസ്, മെക്സിക്കോ തുടങ്ങിയ രാജ്യങ്ങളിലാണ് ഗൂഗിൾ സൗജന്യ വൈഫൈ നൽകിയിരുന്നത്. ഇതും ഇനി ഉണ്ടാകില്ല. ജിയോയുടെ വരവോടെ ഇന്ത്യയിൽ ഡേറ്റ സേവനങ്ങൾക്ക് ചെലവു കുറഞ്ഞു. തന്നെയുമല്ല മിക്ക സംസ്ഥാനങ്ങളും പൊതു ഇടങ്ങളിൽ സൗജന്യ വൈഫൈ ലഭ്യമാക്കാനുള്ള തയ്യാറെടുപ്പിലുമാണ്. ഇതാണ് പദ്ധതി ഉപേക്ഷിയ്ക്കാൻ ഗൂഗിളിനെ പ്രേരിപ്പിയ്ക്കുന്നത്.