ചൈനയ്ക്ക് വീണ്ടും തിരിച്ചടി; എസി ഇറക്കുമതി ഇന്ത്യ നിരോധിച്ചു

ഡൽഹി: ആഭ്യന്തര ഉത്പാദനം വർധിപ്പിക്കുന്നതിനുള്ള ഏറ്റവും പുതിയ ശ്രമത്തിന്റെ ഭാഗമായി എയർ കണ്ടീഷണറുകൾ ഇറക്കുമതി ചെയ്യുന്നത് ഇന്ത്യ നിരോധിച്ചു. വാണിജ്യ, വ്യവസായ മന്ത്രി പിയൂഷ് ഗോയലിന്റെ അംഗീകാരത്തോടെ വിദേശ വ്യാപാര വിഭാഗം ഡയറക്ടര്‍ ജനറൽ (ഡിജി‌എഫ്ടി) ആണ് ഇതുസംബന്ധിച്ച വിജ്ഞാനപനം പുറത്തിറക്കിയത്. ഇറക്കുമതിക്ക് നിരോധനമുള്ള ഉത്പന്നങ്ങളുടെ പട്ടികയിലേയ്ക്കാണ് എയർ കണ്ടീഷണറുകളെ മാറ്റിയത്.

ഇറക്കുമതി ചെയ്യുന്നയാൾക്ക് പുറത്തുനിന്ന് റഫ്രിജറന്റോ ഗ്യാസോ രാജ്യത്തേക്ക് കൊണ്ടുവരാൻ കഴിയില്ല. നേരത്തെ ഇറക്കുമതി നിയന്ത്രണങ്ങൾ ഏർപ്പെടുത്തിയിരിക്കുന്ന ടയറുകൾ, ടിവി സെറ്റുകൾ, അഗർബത്തീസ് എന്നിവ നിരോധനമുള്ള ഉത്പന്നങ്ങളുടെ പട്ടികയിൽ ഉൾപ്പെടുത്തിയിരുന്നു. മറ്റ് ഉത്പന്നങ്ങളെ അപേക്ഷിച്ച് എസി വലിയ അളവിൽ ഇറക്കുമതി ചെയ്യുന്നതിനാൽ ആഭ്യന്തര ഉത്‌പാദനത്തിൽ‌ ശ്രദ്ധ കേന്ദ്രീകരിക്കാൻ സാധ്യതയുള്ള ഇനങ്ങളായി ഇവയെ കണ്ടെത്തി.

Also Read: കുട്ടികളുടെ ഉന്നത പഠനത്തിനും വിവാഹത്തിനുമായി കരുതി വയ്ക്കാം, മികച്ച മ്യൂച്വൽ ഫണ്ടുകൾ ഇതാ

ആഭ്യന്തര വിപണിയിൽ 5 മുതൽ 6 ബില്യൺ ഡോളർ മൂല്യമുള്ള എസികൾ രാജ്യത്തേക്ക് ഇറക്കുമതി ചെയ്യുന്നുണ്ട്. സെഗ്‌മെന്റിനെ ആശ്രയിച്ച് 85-100 ശതമാനം ഘടകങ്ങൾ ഇറക്കുമതി ചെയ്യുന്നുണ്ട്. വിപണിയിൽ ഇതിന് ഏകദേശം 2 ബില്യൺ ഡോളർ വില വരും. മഹീന്ദ്ര ഗ്രൂപ്പിന്റെ പവൻ ഗോയങ്കയുടെ നേതൃത്വത്തിലുള്ള ഒരു കൂട്ടം സിഇഒമാർ വാണിജ്യ വ്യവസായ മന്ത്രാലയത്തിനായി തയ്യാറാക്കിയ പദ്ധതിയുടെ ഭാഗമായി തായ്‌ലൻഡുമായുള്ള വ്യാപാര കരാറിന്റെ ഡ്യൂട്ടി വർദ്ധനവും പുനർനിർമ്മാണവും നിർദ്ദേശിക്കപ്പെട്ടിട്ടുണ്ട്.