പാൻ കാർഡ് ആധാറുമായി ബന്ധിപ്പിക്കേണ്ട അവസാന തിയ്യതി നീട്ടി

ന്യൂഡൽഹി: പാൻകാർഡ് ആധാറുമായി ബന്ധിപ്പിക്കേണ്ട അവസാന തിയ്യതി സെപ്തംബർ 30ൽനിന്നും ഡിസംബർ 31ലേക്ക് നീട്ടി. കേന്ദ്ര പ്രത്യക്ഷ നികുതി ബോർഡാണ് ഇതു സംബന്ധിച്ച ഉത്തരവ് പുറത്തിറക്കിയത്. സുപ്രീംകോടതി ഉത്തരവിനെത്തുടർന്ന് കഴിഞ്ഞ ഏപ്രിൽ ഒന്നു മുതലാണ് റിട്ടേൺ സമർപ്പിക്കുമ്പോൾ ആധാർകൂടി നൽകണമെന്ന് നികുതി വകുപ്പ് ആവശ്യപ്പെട്ടത്.



അതേസമയം പാൻ കാർഡും ആധാർ കാഡും തമ്മിൽ ബന്ധിപ്പിക്കാൻ ആഗ്രഹിക്കുന്നവർക്ക് ഓൺലൈൻ മാർഗം ഇത് എളുപ്പത്തിൽ ചെയ്യാം. ഇതിനായി ആദായ നികുതി വകുപ്പിന്‍റെ ഇ-ഫയലിങ് പോര്‍ട്ടല്‍ തുറന്ന് ആധാര്‍ ലിങ്ക് എന്നതില്‍ ക്ലിക്ക് ചെയ്യുക. ( www.incometaxindiaefiling.gov.in) ഇതിന് ശേഷം പാൻ നമ്പർ നൽകുക. തുടർന്ന് ആധാർ നമ്പർകൂടി നൽകുക.

ആധാറിൽ നൽകിയിരിക്കുന്നതുപോലെ പേര് അപ്ഡേറ്റ് ചെയ്യുക. ആധാര്‍ കാര്‍ഡില്‍ ജനന വര്‍ഷം മാത്രമാണ് അപ്ഡേറ്റ് ചെയ്തിരിക്കുന്നത് എങ്കില്‍ ഐ ഹാവ് ഒണ്‍ലി ഇയര്‍ ഓഫ് ബെര്‍ത്ത് ഇൻ ആധാർ കാർഡ് എന്ന കാറ്റഗറി സെലക്ട് ചെയ്യുക. അതിനു ശേഷം ഇമേജ് കോഡ് അല്ലെങ്കില്‍ ഒടിപി നല്‍കുക. ലിങ്ക് ആധാര്‍ എന്ന ഓപ്ഷന്‍ തെരഞ്ഞെടുക്കുക. ഇതോടെ, ആധാര്‍ കാര്‍ഡ് -പാന്‍ കാര്‍ഡ് ലിങ്കിങ് വിജയകരമായ പൂര്‍ത്തിയായാല്‍ നോട്ടിഫിക്കേഷന്‍ ലഭിക്കും.