മാസ്ക്, സാനിറ്റൈസർ പരമാവധി വില നിശ്ചയിച്ചു; കൂടുതൽ ഈടാക്കിയാൽ പരാതി നൽകാം

കൊച്ചി: മാസ്ക്, സാനിറ്റൈസർ എന്നിവയ്ക്ക് പരമാവധി വില നിശ്ചയിച്ച് സർക്കാർ. 200 മില്ലി സാനിറ്റൈസറിന് പരമാവധി 100 രൂപ മാത്രമാണ് വില. രണ്ടു ലെയറുകൾ ഉള്ള പ്ലൈ മാസ്കിന് പരമാവധി എട്ടു രൂപയും മൂന്നു ലെയ‍ര്‍ ഉള്ള മാസ്കിന് 10 രൂപയും മാത്രമാണ് വില.

കേന്ദ്ര ഭക്ഷ്യ പൊതുവിതരണ ഉപഭോക്തൃ മന്ത്രാലയമാണ് ഇതു സംബന്ധിച്ച ഉത്തരവ് ഇറക്കിയിരിക്കുന്നത്. ജൂൺ 30 വരെയാണ് ഉത്തരവിന് പ്രാബല്യമുള്ളത്. ഇതിനിടയിൽ ഉയ‍ര്‍ന്ന് തുകയ്ക്ക് മാസ്കുകൾ, സാനിറ്റൈസ‍ര്‍ എന്നിവ വിൽപ്പന നടത്തുന്ന കമ്പനികൾക്കെതിരെ കേന്ദ്ര ഉപഭോക്തൃ മന്ത്രാലയത്തിന് പരാതി നൽകാം.

Also Read: പരിഭ്രാന്തരായി അവശ്യ സാധനങ്ങൾ വാങ്ങിക്കൂട്ടരുത്;മുന്നറിയിപ്പുമായി പ്രധാനമന്ത്രി

കൊറോണ വൈറസ് ബാധയെ തുട‍ര്‍ന്നുള്ള ആശങ്കകളെ തുട‍ര്‍ന്ന് വ്യാപാരികൾ സാനിറ്റൈസറുകൾക്കും മാസ്ക്കുകൾക്കും പരമാവധി വിൽപ്പന വിലയുടെ ഇരട്ടിയിലധികം വില ഉയ‍ര്‍ത്തിയിരുന്നു. ഇതേ തുട‍ര്‍ന്നാണ് നീക്കം