പെട്രോൾ, സിഎൻജി ഹോം ഡെലിവറി ഉടൻ

കൊച്ചി: പെട്രോളും സിഎൻജിയും വീടുകളിൽ വിതരണം ചെയ്യാൻ ഒരുങ്ങി കേന്ദ്ര സ‍ര്‍ക്കാര്‍. ഡീസൽ ഇങ്ങനെ സര്‍ക്കാര്‍ എത്തിച്ചു നൽകിയിരുന്നു. ഉപഭോക്താക്കളിൽ ആവശ്യക്കാര്‍ ഏറിയതാണ് പെട്രോളും ഹോം ഡെലിവറി ചെയ്യാൻ സര്‍ക്കാരിനെ പ്രേരിപ്പിയ്ക്കുന്നത്.

പെട്രോളിയം വകുപ്പ് മന്ത്രി ധര്‍മേന്ദ്ര പ്രധാനാണ് ഇക്കാര്യം വ്യക്തമാക്കിയത്. കൊറോണ പ്രതിസന്ധിയെ തുടര്‍ന്ന് ഇന്ധനത്തിന് ക്ഷാമം ഉണ്ടാകാതിരിയ്ക്കാൻ പുതിയ നടപടി സഹായകരമാകും. ഇന്ത്യൻ ഓയിൽ കോ‍ര്‍പ്പറേഷൻ രാജ്യത്തെ പ്രധാന നഗരങ്ങളിൽ ഇന്ധന വിതരണം ആരംഭിച്ചിരുന്നു. ഏറ്റവും വലിയ എണ്ണ ഉപഭോക്തൃ രാജ്യങ്ങളിൽ ഒന്നാണ് ഇന്ത്യ.

Also Read: അടുത്ത വർഷം മുതൽ മൊബൈൽ പെട്രോൾ പമ്പുകൾ വീടുകളിൽ എത്തും

രാജ്യത്ത് ഇന്ധന ഡിമാൻഡ് ഏപ്രിലിൽ കുത്തനെ ഇടിഞ്ഞിരുന്നു. 70 ശതമാനത്തിൽ അധികമായിരുന്നു ഇടിവ്. കഴിഞ്ഞ വർഷം ഇതേ കാലയളവിൽ പെട്രോൾ ആവശ്യകതയിൽ 47 ശതമാനവും ഡീസൽ ആവശ്യകതയിൽ 35 ശതമാനവും ഇടിവുണ്ടായിരുന്നു.

അതേസമയം രത്തൻ ടാറ്റയുടെ ഉടമസ്ഥതയിൽ ഉള്ള സ്റ്റാ‍ര്‍ട്ടപ്പ് ഇന്ത്യയിൽ ഉടനീളം മൊബൈൽ പെട്രോൾ പമ്പുകൾ ഉത്പാദിപ്പിച്ച് വിൽപ്പന ആരംഭിയ്ക്കുന്നതായി റിപ്പോർട്ടുകൾ വന്നിരുന്നു. ഈ വ‍ര്‍ഷം തന്നെ 3,000 മൊബൈൽ പെട്രോൾ പമ്പുകൾ ഇന്ത്യയിൽ ഉടനീളം ഉത്പാദിപ്പിയ്ക്കും എന്നാണ് പ്രഖ്യാപനം.