ലോട്ടറി അടിയ്ക്കണോ? ഇനി ജിഎസ്ടി ബിൽ ചോദിച്ചു വാങ്ങിയാൽ മതി

കൊച്ചി: ലോട്ടറി അടിയ്ക്കണോ? ഇനി ലോട്ടറി വാങ്ങേണ്ടതില്ല. സാധനങ്ങൾ വാങ്ങുമ്പോൾ ജിഎസ്ടി ബിൽ ചോദിച്ചു വാങ്ങിയാൽ മതി. 10 ലക്ഷം രൂപ മുതൽ ഒരു കോടി രൂപ വരെ സമ്മാനം നേടാൻ ഇങ്ങനെ സമ്മാനം നേടാൻ ഉപഭോക്താക്കൾക്ക് അവസരമൊരുക്കുകയാണ് കേന്ദ്ര സർക്കാർ. സാധനങ്ങൾ വാങ്ങുമ്പോൾ ബിൽ ചോദിച്ചു വാങ്ങാൻ ഉപഭോക്താക്കളെ പ്രേരിപ്പിയ്ക്കുന്നതാണ് സംരംഭം.

Also Read: ഇറക്കുമതിത്തീരുവ ഉയരുന്നു; മൊബൈൽ ഫോണുകൾക്ക് വില കൂടും

ബജറ്റിലും ഇത് സംബന്ധിച്ച പ്രഖ്യാപനം ഉണ്ടായിരുന്നു. ഓരോ ബില്ലും ലോട്ടറി ടിക്കറ്റായി കണക്കാക്കി നറുക്കെടുപ്പിലൂടെയാണ് വിജയികളെ തെരഞ്ഞെടുക്കുന്നത്. ബില്ലുകൾ അപ്പപ്പോൾ അപ്ലോഡ് ചെയ്യുന്നത് റിട്ടേൺ പ്രക്രിയ ലളിതമാക്കാൻ വ്യാപാരികളെയും സഹായിക്കും. സമ്മാനം ലഭിയ്ക്കാനുള്ള ജിഎസ്ടി ബിൽ പരിധി സംബന്ധിച്ച വിവരങ്ങൾ ജിഎസ്ടി കൌൺസിൽ ഉടൻ പുറത്ത് വിട്ടേക്കും.