ഇന്ത്യയുടെ സാമ്പത്തിക വള‍ര്‍ച്ചാ മുരടിപ്പ് താൽക്കാലികം; ഐഎംഎഫ് മേധാവി

ദാവോസ്: ഇന്ത്യയുടെ സാമ്പത്തിക വളര്‍ച്ചാ രംഗത്തെ മുരടിപ്പ് താൽക്കാലികമാണെന്ന് ഐഎഎംഎഫ് മേധാവി ക്രിസറ്റലീന ജോ‍ര്‍ജീവ. സ്വിറ്റ്സ‍ര്‍ലണ്ടിലെ ദാവോസിൽ നടന്ന ലോക സാമ്പത്തിക ഫോറത്തിൻറെ മീറ്റിങ്ങിൽ സംസാരിക്കുകയായിരുന്നു അവ‍ര്‍. യുഎസ് - ചൈന വ്യാപാര യുദ്ധം ശമിച്ചത് ആഗോള സമ്പദ് വ്യവസ്ഥയിൽ മാറ്റങ്ങളുണ്ടാക്കും. അതേസമയം ലോക സമ്പദ് വ്യവസ്ഥ 3.3 ശതമാനം നിരക്കിൽ വളരുന്നതും ആശാവഹമല്ലെന്ന് അവ‍ര്‍ സൂചിപ്പിച്ചു.

Also Read: കൊറോണ ഭീതിയിൽ ലോകം; ചൈനയിൽ വ്യാപാര സ്ഥാപനങ്ങൾ അടച്ചു;യാത്രകൾക്കും നിരോധനം

ആഗോള സമ്പദ് വ്യവസ്ഥയുടെ വള‍ര്‍ച്ചയും മുരടിപ്പിലാണ്. വള‍ര്‍ച്ച ഉയ‍ര്‍ത്താൻ മികച്ച ധനനയങ്ങളും ഘടനാപരമായ പരിഷ്കാരങ്ങളും വേണമെന്നും ഐഎംഎഫ് മേധാവി ചൂണ്ടിക്കാട്ടി. ഏഷ്യൻ രാജ്യങ്ങളിൽ വിയറ്റ്നാം, ഇന്തോനേഷ്യ തുടങ്ങിയവ മികച്ച പ്രകടനമാണ് കാഴ്ച്ചവയ്ക്കുന്നത്. ചില ആഫ്രിക്കൻ രാജ്യങ്ങളുടെയും സ്ഥിതി മെച്ചപ്പെട്ടിട്ടുണ്ട്. എന്നാൽ മെക്സിക്കോ ഉൾപ്പെടെ പ്രതിസന്ധി നേരിടുകയാണ്.