ഹോര്‍ളിക്സ് ബ്രാൻഡ് വിൽക്കാനൊരുങ്ങി ജിഎസ്കെ

ന്യൂഡൽഹി: ഫാര്‍മസ്യൂട്ടിക്കൽ രംഗത്തെ അതികായരായ ബ്രിട്ടീഷ് കമ്പനി ഗ്ലാക്സോ സ്മിത് ക്ലൈൻ (ജിഎസ്‍‍കെ) ഹോള്‍ളിക്സ് ഉള്‍പ്പെടെയുള്ള ബ്രാൻഡുകള്‍ വിറ്റഴിക്കാനൊരുങ്ങുന്നു. ജിഎസ്കെയ്ക്ക് പങ്കാളിത്തമുള്ള സ്വിസ് ഫാര്‍മസ്യൂട്ടിക്കൽ കമ്പനിയായ നോവാര്‍ട്ടിസുമായുള്ള സംയുക്തസംരംഭത്തിൽ 36.5 ശതമാനം ഓഹരികള്‍ വാങ്ങുന്നതിന് പണം കണ്ടെത്താനാണ് ബ്രാൻഡുകള്‍ വിറ്റഴിക്കുന്നത്.

2015 മുതൽ നോവാര്‍ട്ടിസുമായി ജിഎസ്കെയ്ക്ക് കൺസ്യൂമര്‍ ഹെൽത്ത് കെയര്‍ ബിസിനസിൽ പങ്കാളിത്തമുണ്ട്.

13 ബില്യൺ ഡോളറാണ് പുതിയ നിക്ഷേപത്തിനായി കമ്പനിയ്ക്ക് ആവശ്യമുള്ളത്. സംയുക്തസംരംഭത്തിൽ 36.5 ശതമാനം ഓഹരിയുടെ ഉടമസ്ഥാവകാശം ലഭിക്കുന്നതോടെ സെൻസൊഡൈൻ ടൂത്ത് പേസ്റ്റ്, പാനഡോള്‍ ഗുളിക, വോള്‍ടാരെൻ വേദനസംഹാരി തുടങ്ങിയവയുടെ പൂര്‍ണനിയന്ത്രണം ജിഎസ്‍‍കെയ്ക്ക് നൊവാര്‍ട്ടിസിൽ നിന്ന് സ്വന്തമാക്കാനാകും. ഈ വര്‍ഷം തന്നെ വിൽപനയുട കാര്യത്തിൽ തീരുമാനമാകുമെന്നാണ് സൂചന.