ജിഎസ്ടി വരുമാനം ഒരു ലക്ഷം കോടി രൂപ കടന്നു; ലക്ഷ്യം നേടാനായില്ല

ന്യൂഡൽഹി: ഫെബ്രുവരിയിലെ ജിഎസ്ടി വരുമാനം 1.05 ലക്ഷം കോടി രൂപ കടന്നു. തുടർച്ചയായ നാലാം മാസമാണ് ജിഎസ്ടിയിൽ നിന്നുള്ള വരുമാനം ഒരു ലക്ഷം കോടി കടക്കുന്നത്. എന്നാൽ ഫെബ്രുവരിയിൽ 1.15 ലക്ഷം കോടി രൂപയാണ് ജിഎസ്ടിയിൽ നിന്ന് നേടാൻ സർക്കാർ ലക്ഷ്യമിട്ടിരുന്നത് എങ്കിലും ഇത് നേടാൻ ആയില്ല.

1,05,366 കോടി രൂപയാണ് ഫെബ്രുവരിയി ലെ ജിഎസ്ടി വരുമാനം. ഇതിൽ കേന്ദ്ര ജിഎസ്ടി 20,569 കോടി രൂപയും സംസ്ഥാന ജിഎസ്ടി 27,348 കോടി രൂപയുമാണ്. ഐജിഎസ്ടി ഇനത്തിൽ ലഭിച്ചത് 48,503 കോടി രൂപയും. ഇതിൽ 20,745 കോടി രൂപ ഇറക്കുമതിയിൽ നിന്നാണ്.

Also Read: കൊറോണയിൽ തകർന്ന് ആഗോള ടൂറിസം മേഖല

ജിഎസ്ടി സെസ് ഇനിത്തിൽ 8,947 കോടി രൂപയാണ് ലഭിച്ചത്. 83 ലക്ഷം റിട്ടേണുകളാണ് ജനുവരി- ഫെബ്രുവരി മാസങ്ങളിൽ ജിഎസ്ടി 3ബി റിട്ടേൺ ആയി ഫയൽ ചെയ്തത്. 1.25 ലക്ഷം കോടി രൂപയാണ് മാർച്ചിൽ ജിഎസ്ടിയിലൂടെ നേടാൻ ലക്ഷ്യമിടുന്നത്.