ക്രിപ്റ്റോ കറൻസി ഇടപാടുകൾക്ക് എച്ച്ഡിഎഫ്സി നിയന്ത്രണമേർപ്പെടുത്തി

മുംബൈ: എച്ച്ഡിഎഫ്സി ബാങ്ക് കാർഡുമായി നടത്തുന്ന ക്രിപ്റ്റോ കറൻസി ഇടപ്പാടുകൾക്ക് നിയന്ത്രണം ഏർപ്പെടുത്തി. ബജറ്റ് സമ്മേളനത്തിൽ ധനമന്ത്രി അരുൺ ജെയ്റ്റ്ലി ക്രിപ്റ്റോ ഡിജിറ്റൽ കറൻസിയെ തള്ളി പറഞ്ഞതിനെ തുടർന്നാണ് ബാങ്ക് ക്രിപ്റ്റോ ഇടപാടുകൾക്ക് നിയന്ത്രണമേർപ്പെടുത്തിയിരിക്കുന്നത്.

കൂടാതെ ക്രിപ്റ്റോ ഇടപാടുകളുമായി ബന്ധപ്പെട്ട അപകടസാധ്യതയെ കുറിച്ച് ആർബിഐയും മുന്നറിയിപ്പ് നൽകിയിട്ടുണ്ട്. സെൻട്രൽ ബാങ്ക്, ധനകാര്യ മന്ത്രാലയം എന്നിവർ നൽകിയിട്ടുള്ള മുന്നറിയിപ്പിന്‍റെ ഭാഗമായിട്ട് കൂടിയാണ് എച്ച്ഡിഎഫ്സിയുടെ ഈ നീക്കം.

ക്രിപ്റ്റോ കറൻസി പരിഗണിക്കില്ലെന്ന കാര്യം ധനകാര്യ മന്ത്രി ബജറ്റിൽ വ്യക്തമാക്കിയിരുന്നു. മാത്രമല്ല ഇത്തരം ഇടപാടുകൾ നിർത്തലാക്കാനുള്ള നടപടികൾ സ്വീകരിക്കുമെന്നും വ്യക്തമാക്കിയിരുന്നു. ബിറ്റ്കോയിൻ വ്യാപാരം ഇന്ത്യയിൽ നിയന്ത്രണ വിധേയമാകാത്തതിനാലാണ് കർശന നടപടികൾ കൈകൊണ്ടിരിക്കുന്നത്.