മ്യൂച്വല്‍ ഫണ്ടുകളില്‍ നിന്നും അതിവേഗ വായ്പയുമായി എച്ച് ഡി എഫ് സി

മുംബൈ: മ്യൂച്വല്‍ ഫണ്ടായി നിക്ഷേപിച്ച തുകയില്‍ നിന്നും അതിവേഗത്തില്‍ വായ്പ ലഭ്യമാക്കി എച്ച് ഡി എഫ് സി. മ്യൂച്ചല്‍ ഫണ്ട് നിക്ഷേപത്തിന്‍റെ 50 ശതമാനമായിരിക്കും വായ്പയായി നല്‍കുക. ഇതിന് 11 ശതമാനമാണ് പലിശയെന്നും കമ്പനി അറിയിച്ചു

എച്ച്‌ ഡി എഫ് സി മ്യൂച്വല്‍ ഫണ്ടുകളുടെ രജിസ്ട്രേഷനും ട്രാന്‍സ്ഫറും നടത്തുന്ന എജന്‍സിയായ കാംസുമായി സഹകരിച്ചാണ് വായ്പാ പദ്ധതി.

നിലവില്‍ കമ്പനിയുടെ പത്ത് മ്യൂച്വല്‍ ഫണ്ട് സ്കീമുകള്‍ക്ക് വായ്പ അനുവദിക്കുന്നുണ്ട്. കൂടുതല്‍ സ്കീമുകളിലേക്ക് ഇത് വ്യാപിപ്പിക്കാനുള്ള ശ്രമത്തിലാണ് ഇപ്പോള്‍ ബാങ്ക്.

ഇപ്പോഴത്തെ സാഹചര്യത്തില്‍ മ്യൂച്വല്‍ ഫണ്ട് നിക്ഷേപങ്ങളില്‍ നിന്ന് വായ്പ ലഭിക്കുന്നത് അത്രക്ക് എളുപ്പമല്ല. ഓണ്‍ലൈനിലുടെ വായ്പ ലഭ്യമാക്കുന്ന സംവിധാനത്തിന് തുടക്കം കുറിക്കുന്നതോടെ കൂടുതല്‍ പേര്‍ മ്യൂച്വല്‍ ഫണ്ടില്‍ നിക്ഷേപിക്കുമെന്നാണ് കമ്പനിയുടെ പ്രതീക്ഷ.