50 രൂപയിൽ തുടങ്ങിയ ബിസനിസ്; ഇപ്പോൾ മാസ വരുമാനം 60,000 രൂപ

കൊച്ചി: 50 രൂപ കൊണ്ട് ബിസിനസ് തുടങ്ങാൻ ആകുമോ? തുടങ്ങാൻ മാത്രമല്ല വിജയിപ്പിയ്ക്കാനും ആകും എന്നാണ് തൃശൂര്‍ സ്വദേശിയായ ആഷിര്‍ എ. ബി.പറയുന്നത്. ഹോം മെയിഡ് ഷാംപൂ, എണ്ണ, സൗന്ദര്യ വര്‍ദ്ധക ഉത്പന്നങ്ങൾ എന്നിവയൊക്കെ നാടൻ കൂട്ടുകൾ ഉപയോഗിച്ച് തയ്യാറാക്കി പാക്കുകളിൽ ആക്കി വിൽക്കുന്നതാണ് ആഷിറിൻെറ സംരംഭം. 50 രൂപയ്ക്ക് ബിസിനസ് തുടങ്ങി വിജയിച്ച ആഷിറിൻെറ വിജയകഥ അടുത്തിടെ വാര്‍ത്തയായിരുന്നു.

ആദ്യം 50 രൂപ മുതൽ മുടക്കി ക്ലോറിനും ടോയ്‍ലറ്റ് ക്ലീനറും ഒക്കെ വാങ്ങി റീപാക്ക് ചെയ്ത് വിവിധ അളവുകളിൽ ആവശ്യക്കാരിൽ എത്തിയ്ക്കുകയായിരുന്നു. പിന്നീട് നാടൻ സൗന്ദര്യ വര്‍ദ്ധക ഉത്പന്നങ്ങളുടെ ഡിമാൻഡ് തിരിച്ചറിഞ്ഞതാണ് ഈ രംഗത്ത് ശ്രദ്ധ കേന്ദ്രീകരിയ്ക്കാൻ കാരണമായത്.

Als0 Read: ഇന്ത്യയിലെ ഏറ്റവും സമ്പന്നരായ യുവ സംരംഭകര്‍ ഇവരാണ്

ഇപ്പോൾ രാസവസ്തുക്കളില്ലാത്ത ഫേസ് പാക്കുകളും ഹെന്ന പൗഡറും ഒക്കെ വിപണിയിൽ എത്തിയ്ക്കുന്നു. കൊവിഡ് കാലത്തും ഉണ്ടായിരുന്നു വിൽപന. ഓര്‍ഡര്‍ അനുസരിച്ച് ഉപഭോക്താക്കളിൽ എത്തിയ്ക്കുകയാണ് ഉത്പന്നങ്ങൾ.

ഡ്രഗ് ലൈസൻസ് ഉൾപ്പെടെ നേടിയിട്ടുള്ള ഈ സംരംഭകൻ മെഡിക്കൽ ഷോപ്പുകളിലും ഉത്പന്നങ്ങൾ എത്തിയ്ക്കുന്നുണ്ട്. വിപണി വിലയിലും കുറഞ്ഞ നിരക്കിലാണ് വിവിധ ഉത്പന്നങ്ങൾ ആവശ്യക്കാരിൽ എത്തിയ്ക്കുന്നത്. ഇത്തരത്തിൽ ചെറിയ മുടക്കു മുതലിൽ വളരെ ലളിതമായ ബിസിനസുകൾ തുടങ്ങി ലക്ഷങ്ങൾ വിറ്റു വരവ് നേടുന്ന നിരവധി സംരംഭകര്‍ ആണ് നമുക്ക് ചുറ്റുമുള്ളത്. കൊവിഡ് കാലത്ത് ഒരു ബിസിനസ് തുടങ്ങാൻ ഇവരെ മാതൃകയാക്കാം.