കേന്ദ്ര സര്‍ക്കാര്‍ ജീവനക്കാര്‍ക്കും പെൻഷനര്‍മാര്‍ക്കും ആശ്വാസം; മരവിപ്പിച്ച ഡിഎ ജൂലൈ ഒന്നു മുതൽ?

ന്യൂഡൽഹി: കേന്ദ്ര സര്‍ക്കാര്‍ ജീവനക്കാര്‍ക്കും പെൻഷനര്‍മാര്‍ക്കും ആശ്വാസം. കൊവിഡ് കാലത്ത് മരവിപ്പിച്ച ഡിഎ ജൂലൈ ഒന്നു മുതൽ അക്കൗണ്ടിൽ എത്തിയേക്കും. ഇത് സംബന്ധിച്ച ധനകാര്യ മന്ത്രാലയത്തിൻെറ നേതൃത്വത്തിൽ ജൂൺ 26 ന് യോഗം ചേരും.ഡിഎ സംബന്ധിച്ച അന്തിമ തീരുമാനം ഈ യോഗത്തിൽ ഉണ്ടാകുമെന്നാണ് റിപ്പോര്‍ട്ടുകൾ, ജൂലൈയിലെ ശമ്പളത്തിൽ അലവൻസുകളും ഉൾപ്പെടുത്തും എന്നാണ് സൂചന.

2020 ജനുവരി മുതലാണ് കേന്ദ്ര സർക്കാർ ജീവനക്കാരുടെ ഡിഎ മരവിപ്പിച്ചത്. കൊവിഡ് സാമ്പത്തിക പ്രതിസന്ധി കണക്കിലെടുത്തായിരുന്നു തീരുമാനം. ഇത് ഒരുമിച്ച് നൽകുമെന്ന് നേരത്തെ സൂചനകൾ നൽകിയിരുന്നു. എന്നാൽ ഈ മൂന്ന് തവണകളിലെ പണം ഒരുമിച്ച് നൽകുമോ എന്നതിൽ ഇതുവരെ വ്യക്തത വന്നിട്ടില്ല.

Also Read: പ്രവാസികൾക്കായി കുറഞ്ഞ പലിശ നിരക്കിൽ പ്രത്യേക ഗോൾഡ് ലോൺ

ഒരു ഗഡു ജൂലൈയിലും രണ്ടാമത്തേത് ഓഗസ്റ്റിലും മൂന്നാമത്തേത് സെപ്റ്റംബറിലും നൽകിയേക്കാം എന്ന് റിപ്പോര്‍ട്ടുകൾ സൂചിപ്പിക്കുന്നു. ഈ രീതിയിൽ, കഴിഞ്ഞ 18 മാസത്തെ ഡി‌എ നൽകിയേക്കും. അതേസമയം, 2021 ജൂണിലെ ഡിഎ ഒക്ടോബറിനും ഡിസംബറിനും ഇടയിൽ നൽകിയേക്കും

2021 ജൂലൈ 1 മുതൽ പരിഷ്കരിച്ച അലവൻസുകൾ ഉൾപ്പെടുത്തി ശമ്പളം പുതുക്കിയേക്കും . മരവിപ്പിച്ച ഡിഎ തവണകളായി വിതരണം ചെയ്തതിന് ശേഷം കേന്ദ്ര സര്‍ക്കാര്‍ ജീവനക്കാരുടെ ഡിഎ നിലവിലെ 17 ശതമാനത്തിൽ നിന്ന് 28 ശതമാനമായി ഉയരും എന്നാണ് റിപ്പോര്‍ട്ടുകൾ