27 ലക്ഷം സബ്സ്ക്രൈബര്മാരുമായി ഷമീസ്
27 ലക്ഷം സബ്സ്ക്രൈബര്മാരാണ് ഷമീസ് കിച്ചൺ എന്ന കുക്കറി യൂട്യൂബ് ചാനലിൻെറ ഉടമ ഷമീറയ്ക്കുള്ളത്. എളുപ്പത്തിൽ തയ്യാറാക്കാവുന്ന റെസിപ്പികളിലൂടെയാണ് ഷമീസ് മലയാളികളുടെ ഹൃദയം കീഴടക്കിയത്. 635 വീഡിയോകളാണ് അപ്ലോഡ് ചെയ്തത്. വളരെ കുറഞ്ഞ ചേരുവകളുമായി എളുപ്പത്തിൽ തയ്യാറാക്കാവുന്ന വിഭവങ്ങളാണ് ഈ യൂട്യൂബ് ചാനൽ വേറിട്ടതാക്കുന്നത്. അര ലിറ്റര് പാലുണ്ടെങ്കിൽ വെണ്ണയും നെയ്യും സ്വന്തമായി എങ്ങനെ വീട്ടിൽ ഉണ്ടാക്കും, നല്ല കട്ടതെെര് എങ്ങനെ വീട്ടിൽ ഉണണ്ടാക്കാം തുടങ്ങി വളരെ ലളിതമായ, എല്ലാവര്ക്കും പ്രയോജനപ്രദമായ വീഡിയോകളാണ് ഈ യൂട്യൂബറുടെ ഹൈലൈറ്റ്. ലക്ഷക്കണക്കിന് മലയാളികളാണ് യൂട്യൂബിൽ ഇത്തരം വീഡിയോകൾ കാണുന്നത്. നല്ലൊരു തുക യൂട്യൂബിൽ നിന്ന് വരുമാനമായി ഷമീറ നേടുന്നുണ്ട്.
നാടൻ പാചകക്കുറിപ്പുകളുമായി വീണാസ് കറി വേൾഡ്
19 ലക്ഷം സബ്സ്ക്രൈബര്മാരാണ് വീണാസ് കറീ വേൾഡ് എന്ന യൂട്യൂബ് ചാനലിനുള്ളത്. 927 വീഡിയോകളാണ് അപ്ലോഡ് ചെയ്തിരിയ്ക്കുന്നത്. വീണാ ജാൻ എന്ന ലേഡി യൂട്യൂബ് സ്റ്റാര് യൂട്യൂബിൽ നിന്ന് ഏറ്റവുമധികം വരുമാനം നേടുന്ന മലയാളികളുടെ നിരയിൽ മുന്നിലുണ്ട്. യൂട്യൂബ് ചാനല് തന്റെ രണ്ടാം വീടാണെന്നാണ് വീണ ജാന് പറയും. മികച്ച ആശയ വിനിമയ ശേഷിയുള്ള വനിതകൾക്കും പെൺകുട്ടികൾക്കും സാങ്കേതിക വിദ്യയുടെ സഹായത്തോടെയുള്ള വ്ളോഗിങ്ങിൽ നിന്ന് വരുമാനം നേടാൻ ഈ യൂട്യൂബര് പ്രോത്സാഹനമാണ്. . ഗ്ലാമറും മികച്ച വരുമാനവും സമന്വയിച്ച വെര്ച്വല് ഇടമായി സ്വന്തം യൂട്യൂബ് ചാനല് ഏറ്റെടുത്തു വിജയിപ്പിച്ച വീണ ജാനിന് സ്വന്തം യൂട്യൂബ് ചാനലിൽ നിന്ന് ലക്ഷങ്ങൾ പ്രതിമാസ വരുമാനവുമുണ്ട്.
സിംപിൾ വീഡിയോകളുമായി 'സിംപ്ലി മൈ സ്റ്റൈൽ ഉണ്ണി'
12 ലക്ഷം സബ്സ്ക്രൈബര്മാരാണ് സിംപ്ലി മൈ സ്റ്റൈൽ ഉണ്ണി എന്ന യൂട്യൂബ് ചാനലിനുള്ളത്. 555 വീഡിയോകളാണ് ഇതുവരെ അപ്ലോഡ് ചെയ്തിരിയ്ക്കുന്നത്. ബ്യൂട്ടി, മേക്കപ്പ്, ലൈഫ് സ്റ്റൈൽ, ഡെയ്ലി ലൈഫ്, ട്രാവൽ, ഫൂഡ് തുടങ്ങി എല്ലാം യൂട്യൂബിലൂടെ ഉണ്ണി എന്ന മിടുക്കി കാഴ്ചക്കാരിൽ എത്തിയ്ക്കുന്നു. സ്വന്തം ജീവിതത്തിലെ പ്രത്യേ ക ദിവസങ്ങൾ പോലും രസകരമായ വീഡിയോ ആക്കി അവതരിപ്പിയ്ക്കുന്നതിനാൽ സബ്സ്ക്രൈബര്മാരും ഒട്ടേറെയുണ്ട്. പ്രകൃതിദത്ത ചര്മ സംരക്ഷണ മാര്ഗങ്ങൾ ഒക്കെ പങ്കു വച്ചായിരുന്നു തുടക്കം. പ്രോഡക്ട് റിവ്യൂ ഉൾപ്പെടെയുള്ള വീഡിയോകളും ചെയ്യുന്നുണ്ട്. യൂട്യൂബിൽ നിന്ന് ഏറ്റവുമധികം വരുമാനം നേടുന്നവരിൽ മുൻനിരയിലുണ്ട്.