റോബിൻ റിഹാന ഫെൻറി; പോപ് ഗായികയുടെ ആസ്തി 4,367 കോടി രൂപ
റെക്കോര്‍ഡ് വിൽപ്പന നേടിയ മ്യൂസിക് ആൽബങ്ങൾ
കരീബിയൻ സംഗീതത്തെ ലോകത്തിൻെറ ശ്രദ്ധയിൽ എത്തിച്ച റിഹാനയുടെ മ്യൂസിക് ആൽബങ്ങൾ വിൽപ്പനയിൽ റെക്കോര്‍ഡ് നേടിയവയാണ്. അമേരിയ്ക്കൻ പ്രൊഡ്യൂസര്‍ ഇവാൻ റോഗേഴ്സ് അമേരിയ്ക്കയിലേക്ക് ക്ഷണിച്ചതോടെ റിഹാനയുടെ തലവരയും മാറി. പിന്നീട് പുറത്തിറക്കിയ 'മ്യൂസിക് ഓഫ് ദ സൺ', 'എ ഗേൾ ലൈക് മി' എന്നീ ആൽബങ്ങൾ യുഎസിലെ ഏറ്റവും ജനകീയമായ ആൽബങ്ങളുടെ ഇടയിൽ ഇടം നേടി.
പിന്നീട് ശ്രദ്ധേയ പോപ് ഗായികയായും ഡാൻസറായും ഒക്കെ ആയി മാറിയ റിഹാനയുടെ പിന്നീടുള്ള ആൽബങ്ങളും റെക്കോര്‍ഡ് വിൽപ്പന നേടിത്തുടങ്ങി. 6 ഗിന്നസ് വേൾഡ് റെക്കോര്‍ഡുകളും നിരവധി അവാര്‍ഡുകളും നേടിയിട്ടുണ്ട്. ലോകത്ത് ഏറ്റവും കൂടതൽ സ്വാധീനം ചെലുത്താനാകുന്ന ടൈം മാഗസിൻെറ പട്ടികയിൽ രണ്ട് തവണ ഇടം നേടിയിരുന്നു.
സംരംഭക മാത്രമല്ല ജീവകാരുണ്യ പ്രവര്‍ത്തകയുമാണ് താരം
കൊറോണ വൈറസ് ദുരിതാശ്വാസ പ്രവർത്തനങ്ങൾക്കായി ഏറ്റവും അധികം സംഭാന നൽകിയ സെലിബ്രിറ്റികളിലൊരാളാണ് റിഹാന. 80 ലക്ഷം ഡോളർ ആണ് സംഭാവന നൽകിയത്. ന്യൂയോർക്കിലെ ദരിദ്രർക്ക് 10 ലക്ഷം ഡോളര്‍ നൽകിയിരുന്നു. മറ്റ് ചാരിറ്റി പ്രവര്‍ത്തനങ്ങൾക്ക് ആയിരക്കണക്കിന് കോടി രൂപ നൽകിയിട്ടുണ്ട്, സംഗീത ലോകത്ത് നിന്നുള്ള വരുമാനത്തിന് പുറമെ നിരവധി ബിസിനസുകളും താരത്തിലുണ്ട്.
ആഡംബര മേക്കപ്പ് ബ്രാൻഡായ ഫെൻറി ബ്യൂട്ടിയാണ് ശ്രദ്ധേയമായ ഒരു സംരംഭം. വൻകിട കമ്പനിയുമായി ചേര്‍ന്നാണിത്. ഓൺലൈൻ ഫാഷൻ കമ്പനിയായ ടെക്സ്റ്റൈൽ ഫാഷൻ ഗ്രൂപ്പ് ഉൾപ്പെടെയുള്ള നിക്ഷേപകരുമായി സാവേജ് എക്സ് ഫെൻറി എന്ന അടിവസ്ത്ര ലോകപ്രശസ്ത അടിവസ്ത്രങ്ങളുടെ ബ്രാൻഡും സ്വന്തമാക്കിയിട്ടുണ്ട്. മറ്റ് നിക്ഷേപങ്ങൾ വേറെയും.