തോമസ് കുര്യൻ; ഏറ്റവും ധനികനായ മാനേജര് മലയാളിയാണ്
2020-ലെ ഹുറൂൺ ഇന്ത്യ റിച്ച് ലിസ്റ്റ് പ്രകാരം ഇന്ത്യയിലെ ഏറ്റവും ധനികനായ പ്രഫഷണൽ മാനേജര് ഒരു മലയാളിയാണ്. തോമസ് കുര്യൻ. 11,300 കോടി രൂപയാണ് അദ്ദേഹത്തിൻെറ ആസ്തി.ന്യൂയോര്ക്കിലെ മക്കെൻസി കമ്പനിയിലാണ് ഔദ്യോഗിക ജീവിതം തുടങ്ങിയത്. എംബിഎ ബിരുദാനന്തര ബിരുദധാരിയായ കുര്യൻ ഒറാക്കിൾ കോര്പ്പറേഷനിലൂടെയാണ് ശ്രദ്ധേയനാകുന്നത്. ഓറാക്കിൾ ഓഹരികളിലൂടെയാണ് അദ്ദേഹം സമ്പത്തിലധികവും സ്വരുക്കൂട്ടിയതുംഐഐടി മദ്രാസ് പൂര്വ വിദ്യാര്ത്ഥിയായ ഇദ്ദേഹം ഇലക്ട്രിയ്ക്കൽ എൻജിനിയറിങ് ബിരുദധാരി കൂടെയാണ്. ഇപ്പോൾ ഗൂഗിൾ ക്ലൗഡ് ചീഫ് എക്സിക്യൂട്ടിവ് ഓഫീസറാണ്.
Also Read: ലോകത്തിലെ ഏറ്റവും വലിയ ധനികനായ വ്യക്തി; എത്ര വിചിത്രമെന്ന് എലൻ മസ്ക്
ജയശ്രീ ഉള്ളാൽ; കരുത്തയായ ലേഡീ മാനേജര്
ഏറ്റവും സമ്പന്നരായ പ്രഫണൽ മാനേജര്മാരിൽ രണ്ടാം സ്ഥാനത്ത് ഒരു വനിതയാണ്. ജയശ്രീ ഉള്ളാൽ. ആറിസ്റ്റ നെറ്റ്വര്ക്ക്സ് എന്ന സ്ഥാപനത്തിൻെറ മേധാവിയായ ജയശ്രീയുടെ മൊത്തം ആസ്തി 9,100 കോടി രൂപയോളമാണ്. 2014-ൽ ജയശ്രീയുടെ നേതൃത്വത്തിൽ ആണ് അറിസ്റ്റ നെറ്റ്വര്ക്ക് പ്രാഥമിക ഓഹരി വിൽപ്പനയ്ക്ക് തയ്യാറായത്. നെറ്റ്വര്ക്കിങ് ഇൻഡസ്ട്രിയിൽ ഏറ്റവും കൂടുതൽ സ്വാധീനം ചെലുത്തിയ അഞ്ചു വ്യക്തികളുടെ ഫോബ്സ് പട്ടികയിൽ ഇന്ത്യൻ വംശജയായ ജയശ്രീയുമുണ്ടായിരുന്നു. 2008-ലാണ് അറിസ്റ്റ നെറ്റ്വര്ക്കിൻെറ അമരത്ത് എത്തുന്നത്. ലണ്ടനിൽ ജനിച്ച് ഡൽഹിയിൽ വളര്ന്ന ജയശ്രീ വിദേശ സര്വകലാശാലകളിൽ നിന്നാണ് എൻജിനിയറിങ്, മാനേജ്മെൻറ് ബിരുദങ്ങൾ സ്വന്തമാക്കുന്നത്.