കടലിന് അഭിമുഖമായി 50 കോടി രൂപയുടെ കിടിലൻ വീട്
മുംബൈയിലെ ജുഹു ബീച്ചിന് അടുത്താണ് ഒട്ടേറെ പ്രത്യേകതകൾ ഉള്ള ഹൃഥ്വിക് റോഷൻെറ അപ്പാര്‍ട്ട്മെൻറ്. 50 കോടി രൂപയിലേറെ ചെലവഴിച്ചാണ് കിടിലൻ ലക്ഷ്വറി അപ്പാര്‍ട്ട്മെൻറ് തീര്‍ത്തിരിയ്ക്കുന്നത്. കാറ്റും വെളിച്ചവും ഉള്ളിലേക്ക് പരമാവധി കയറുന്നതു പോലെയും കടൽ കാഷ്ചകൾ ആസ്വദിയ്ക്കാനാകുന്നതു പോലെയുമാണ് ഇൻറീരിയര്‍. കടൽത്തീരത്തിന് അഭിമുഖമായ അപ്പാര്‍ട്ട്മെൻറ് ഒരു ഹോളിഡേ ഹോമിനെ അനുസ്മരിപ്പിയ്ക്കും. താൽക്കാലിക ഓഫീസ്, മനോഹരമായ ബാൽക്കണി എന്നിവയെല്ലാം അപ്പാര്‍ട്ട്മെൻറിൽ സജ്ജീകരിച്ചിട്ടുണ്ട്. ലിവിങ് റൂമിലെ നീല കാര്‍പറ്റിനു പോലുമുണ്ട് ഒരു ടര്‍ക്കിഷ് കമ്പനിയുടെ കയ്യൊപ്പ് .
ഇൻഡോര്‍ പ്ലാൻറുകളും ചിത്രങ്ങളുമൊക്കെയായി കിടിലൻ ഇൻറീരിയര്‍
പെയിൻറിങ്ങുകളും കലാ സൃഷ്ടികളും ക്യൂരിയോകളും ഒക്കെ കൊണ്ട് മനോഹരമായി വീട് അലങ്കരിച്ചിട്ടുണ്ട്. വീടിന് ഹരിതാഭയേകുന്ന നിരവധി ഇൻഡോര്‍ പ്ലാൻറുകളുമുണ്ട്. പിയാനോയ്ക്കായും ബില്ല്യാര്ഡ്സ് ടേബിളിനും ഒക്കെയായി സ്ഥലം മാറ്റി വെച്ചിരിയ്ക്കുന്നു. ചോക്ലേറ്റ് വെൻഡിങ് മെഷീൻ ഉൾപ്പെടെ ഇവിടെ സജ്ജീകരിച്ചിട്ടുണ്ട്. എല്ലാ അത്യാധുനിക സൗകര്യങ്ങളോടും കൂടിയതാണ് വീട്. മോഡേൺ ഇൻറീരിയറിനുമുണ്ട് ഒട്ടേറെ പ്രത്യേകതകൾ. വൈറ്റ് വാഷ് ചെയ്ത ഇഷ്ടികക്കട്ടകൾ ചുമരിൻെറ ഒരു ഭാഗത്ത് കാണാം. അതുപോലെ വീടിൻെറ പെയിൻറിങ്ങിനും ഇൻറീരിയറിനുമെല്ലാം വളരെ ഹൃദ്യമായ നിറങ്ങളാണ് തെരഞ്ഞെടുത്തിരിയ്ക്കുന്നത്.
Also Read: ഇഡലി നാട്ടിൽ ബ്രഡ് വിപ്ലവം തീര്‍ത്ത മോഡേൺ ബ്രഡ് മെക്സിക്കൻ കമ്പനി വാങ്ങുന്നു
ഇറക്കുമതി ചെയ്ത ഫര്‍ണിച്ചറുകൾ, ഉപകരണങ്ങൾ
പ്രത്യേക ഡൈനിങ് സ്പേസ് സജ്ജീകരിച്ചിട്ടില്ല എന്നത് ശ്രദ്ധേയമാണ്. നീളൻ ഗ്ലാസ് ടേബിളും വുഡൻ ചെയറുകളും മറ്റ് ആവശ്യങ്ങൾക്കും ഉപയോഗിയ്ക്കാൻ ആകുന്ന വിധത്തിലാണ് സജ്ജീകരിച്ചിരിയ്ക്കുന്നത് . വീട്ടിലേക്കുള്ള ഫര്‍ണിച്ചറുകളിൽ അധികവും ഇറക്കുമതി ചെയ്തിരിയ്ക്കുന്നതാണ് . ഏതെങ്കിലും ഒരു കസേരയോ മുറിയോ ഒന്നുമല്ല വീട് അപ്പാടെ ഇഷ്ടമാണെന്നാണ് ഹൃഥ്വിക് റോഷൻെറ പക്ഷം. ലോകത്തിൽ എവിടെ പോയാലും വേഗത്തിൽ തിരിച്ച് വരാൻ ആഗ്രഹിയ്ക്കുന്നതും ഇവിടെക്ക് തന്നെ. വീടിൻെറ സുരക്ഷിതത്വത്തിലേക്ക്. അത്രയും മനോഹരമായും വ്യത്യസ്തമായുമാണ് ഈ സ്വപ്ന വീട് അണിയിച്ചൊരുക്കിയിരിക്കുന്നത് .