ആത്മനിർഭർ ഭാരത് ആപ്പ് ചലഞ്ച്; ഇവയാണ് സർക്കാർ തെരഞ്ഞെടുത്ത ആപ്പുകൾ

ഡൽഹി: ലോകോത്തര നിലവാരമുള്ള തദ്ദേശീയ ആപ്പുകൾ വികസിപ്പിക്കുന്നതിനായി കേന്ദ്രസർക്കാർ ആരംഭിച്ച ആത്മനിർഭർ ഭാരത് ആപ്പ് ഇന്നൊവോഷൻ ചാലഞ്ചിലെ അന്തിമ വിജയികളെ പ്രഖ്യാപിച്ചു. ആഗസ്റ്റ് ഏഴ് വെള്ളിയാഴ്ചയാണ് സർക്കാർ വിജയിക്കളെ പ്രഖ്യാപിച്ചത്. രാജ്യത്തൊട്ടാകെയുള്ള 6,940 ടെക് സംരംഭകരും സ്റ്റാർട്ടപ്പുകളും ആത്മനിർഭർ ഭാരത് ആപ്പ് ഇന്നൊവേഷൻ ചലഞ്ചിൽ പങ്കെടുത്തിരുന്നു.

ബിസിനസ്, ഇ-ലേണിംഗ്, വിനോദം, ഗെയിമുകൾ, ആരോഗ്യം, വാർത്ത, ഓഫീസ്, വീട്ടിൽ നിന്നുള്ള ജോലി, സോഷ്യൽ, മറ്റുള്ളവ എന്നിങ്ങനെ ഒമ്പത് വ്യത്യസ്ത വിഭാഗങ്ങളിലേക്കുള്ള എൻട്രികളാണ് മെഗാ ചലഞ്ചിൽ ഉണ്ടായിരുന്നത്. ഇൻഡസ്ട്രി, അക്കാദമി, ഗവൺമെന്റ് എന്നീ മേഖലയിൽ നിന്നുള്ള വിദഗ്ധരായ ജൂറി അംഗങ്ങൾ ആണ് വിജയികളെ തെരഞ്ഞെടുത്തത്. 2020 ജൂലൈ 31 മുതൽ ഓഗസ്റ്റ് 4 വരെ 5 ദിവസങ്ങളിൽ ജൂറി അംഗങ്ങൾ അപ്ലിക്കേഷനുകൾ വിലയിരുത്തി. വെർച്വൽ ഇവന്റിലൂടെയാണ് വിവിധ വിഭാഗങ്ങളിലെ വിജയികളെ പ്രഖ്യാപിച്ചത്.

വിനോദം:
കാപ്ഷൻ പ്ലസ്
മീം ചാറ്റ്
എഫ്ടിസ് ടാലന്റ്

വാർത്ത:
Logically: വ്യാജവാർത്തകൾ പരിശോധിച്ച് വസ്തുതകൾ പരിശോധിക്കുക
IsEqualTo: ഡെയ്‌ലി ന്യൂസ്, ക്വിസ്, വിദ്യാർത്ഥികൾക്കായി പൊതുവിവരം

ഗെയിമുകൾ:
ഹിറ്റ്വിക്കറ്റ് സൂപ്പർസ്റ്റാർസ് -3 ഡി ക്രിക്കറ്റ് സ്ട്രാറ്റജി ഗെയിം
സ്കാർഫാൾ - റോയൽ കോമ്പാറ്റ്
വേൾഡ് ക്രിക്കറ്റ് ചാമ്പ്യൻഷിപ്പ് 2- ഡബ്ല്യുസിസി 2

ഓഫീസ്:
സോഹോ വർക്ക് പ്ലേസ്
SureMDM

ആരോഗ്യം:
സ്റ്റെപ്പ്സെറ്റ്ഗോ
iMumz

ഇ-പഠനം:
ഡിസ്പ്രസ്
കുടുകി കിഡ്‌സ് ലേണിംഗ് ആപ്പ്
ഹലോ ഇംഗ്ലീഷ്; ലോൺ ഇംഗ്ലീഷ്

ബിസിനസ്സ്:
സോഹോ ഇൻവോയ്സ്, പുസ്തകങ്ങളും ചെലവുകളും
മാൾ 91
ജിംബുക്ക്സ്- ഈസി ഇൻവോയ്സ് മാനേജർ

സാമൂഹികം:
ചിംഗാരി
YourQuote
കൂ

മറ്റുള്ളവ:
മാപ്പ്ഐഇന്ത്യ
ആസ്ക്സർക്കാർ
മൈഐടിറിട്ടേൺ

ഇവയെകൂടാതെ ഈ വിഭാഗങ്ങളിൽ പ്രത്യേക അവാർഡും സർക്കാർ പ്രഖ്യാപിച്ചിട്ടുണ്ട്.

വിനോദം- ഡോക്യുബേ ബൂം
വാർത്ത: പേപ്പർ‌ബോയി ലെറ്റ്‌സ്അപ്പ്
ഗെയിമുകൾ: കൈറ്റ് ഫ്ലൈ, ഡോങ്കി മാസ്റ്റർ, മാത് ഗെയിംസ്
ഓഫീസ്: കാഗസ് സ്കാനർ, ഐംഹിയർ, സ്പാർക്ക്.ലൈവ്
ആരോഗ്യം: ഔറം, ശാസ്തസുന്ദർ
ഇ-ലോണിംഗ്: ചോക്ക്ലിറ്റ്, ഇമെഡിക്കോസ്
ബിസിനസ്സ്: ലിങ്ക് മൈ ബിസിനസ്സ് ബൂമ‍ർ
സോഷ്യൽ: മിട്രോൺ, ഹിഡോക് ഡോക്ടർ
മറ്റുള്ളവ: ലൈഫ് ഹാക്ക്സ്, എക്സ്പ്ലോറി അൽ കീബോർഡ്

ഉപയോക്താക്കളുടെ ഡാറ്റാ സുരക്ഷയെ മുൻനിർത്തി ടിക് ടോക്ക്, വീ ചാറ്റ്, ഷെയർ ചാറ്റ് തുടങ്ങിയ 59 ചൈനീസ് ആപ്ലിക്കേഷനുകൾ സർക്കാർ നിരോധിച്ചിരുന്നു. ഇതിന് തൊട്ടുപിന്നാലെയാണ് ജൂലൈ 4 ന് സർക്കാർ ആത്മനിർഭർ ഭാരത് ആപ്പ് ഇന്നൊവോഷൻ ചാലഞ്ചിന് തുടക്കമിട്ടത്. ഇന്ത്യക്കാർ ഇപ്പോൾ ഉപയോഗിച്ചുകൊണ്ടിരിക്കുന്ന മികച്ച ഇന്ത്യൻ ആപ്ലിക്കേഷനുകൾ തിരിച്ചറിയുന്നതിനായാണ് ആത്മനിർഭർ ഭാരത് ആപ്പ് ഇന്നൊവേഷൻ ചലഞ്ച് ആരംഭിച്ചത്.

Also Read: കൊവിഡ് കാലത്ത് ഇന്ത്യക്കാര്‍ ഏറ്റവും അധികം പണം ചെലവഴിച്ചത് എന്തിനാണെന്നറിയാം

പ്രകടനം, ഉപയോഗക്ഷമത, സവിശേഷതകൾ എന്നിവയുടെ അടിസ്ഥാനത്തിലാണ് മികച്ച ആപ്ലിക്കഷനുകൾ തെരഞ്ഞെടുത്തത്. ഓരോ വിഭാഗത്തിലും മികച്ച പ്രകടനം കാഴ്ചവച്ച് ഒന്നാംസ്ഥാനം നേടിയ വിജയികൾക്ക് 20 ലക്ഷം രൂപയാണ് സമ്മാനം. രണ്ടും മൂന്നും സ്ഥാനക്കാർക്ക് യഥാക്രമം 15 ലക്ഷം രൂപ, 10 ലക്ഷം രൂപ എന്നിങ്ങനെയാണ് ക്യാഷ് പ്രൈസ് നൽകുക. മറ്റ് ഉപവിഭാഗങ്ങളിലെ ഒന്നും രണ്ടും മൂന്നും വിജയികൾക്ക് യഥാക്രമം 5 ലക്ഷം, 3 ലക്ഷം, 2 ലക്ഷം രൂപയും നൽകും.