ഹൈഡ്രജനിൽ ഓടുന്ന ആദ്യ ആഡംബര ബോട്ട്
ദ്രവീകൃത ഹൈഡ്രജനിലോടുന്ന ആദ്യ ആഡംബര ബോട്ട് ബിൽഗേറ്റ്സിന് സ്വന്തമാണ്. 44,11 കോടി രൂപ ചെലവിലാണ് ഉല്ലാസ നൗക നിര്മിയ്ക്കുക. കാർബൺ ബഹിര്ഗമനം കുറയ്ക്കുന്നതിനുള്ള മാര്ഗം എന്ന നിലയിലാണ് ദ്രവീകൃത ഹൈഡ്രജൻ ഉപയോഗിച്ചത്. 112 മീറ്റർ നീളമുള്ളതാണ് ആഡംബര നൗക. 30-ലേറെ പേര്ക്ക് സഞ്ചരിയ്ക്കാം. സ്പാ, ജിം, ബ്യൂട്ടി സലൂൺ, ഹെലിപാഡ് തുടങ്ങി എല്ലാ ആഡംബര സൗകര്യങ്ങളും നൗകയിലുണ്ട്. ഹൈഡ്രജൻ ഉപയോഗിച്ച് ഓടുന്ന ലോകത്തിലെ ആദ്യ ആഡംബര ഉല്ലാസ നൗകയാണ് ഇത്.
533 അടി നീളത്തിലെ അത്യാധുനിക എക്ലിപ്സ്
ലോകത്തെ ഏറ്റവും ചെലവേറിയ രണ്ടാമത്തെ വലിയ ആഡംബര ബോട്ടാണ് എക്ലിപ്സ്.റഷ്യൻ കോടീശ്വരനായ റോമൻ അബ്രമോവിച്ച് ആണ് ഈ ആഡംബര നൗകയുടെ ഉടമസ്ഥൻ. മിസൈൽ സംവിധാനം, രണ്ട് ഹെലിപാഡുകൾ, 24 ഗസ്റ്റ് ക്യാബിനുകൾ, രണ്ട് നീന്തൽക്കുളങ്ങൾ, ഒരു ഡാൻസ് ഹാൾ, ഹോട്ട് ടബുകൾ, ഒരു മിനി അന്തർവാഹിനി, ബുള്ളറ്റ് പ്രൂഫ് വിൻഡോകൾ എന്നിങ്ങനെയുള്ള എല്ലാ സൗകര്യങ്ങളും ഈ ഉല്ലാസ നൗകയിലുണ്ട്.. 533 അടി നീളമുള്ള ആഡംബര നൗക നിർമ്മിക്കാൻ 150 കോടി ഡോളർ ചെലവഴിച്ചു.