പാചക വാതക വിലയില്‍ വീണ്ടും വര്‍ധനവ്; ഗാര്‍ഹിക സിലിണ്ടറിന് ഇനി 688 രൂപ

ന്യൂഡല്‍ഹി: പാചക വാതക വിലയില്‍ വീണ്ടും വര്‍ധനവ്. തുടര്‍ച്ചയായ അഞ്ച് മാസത്തിനിടെ ആറാം തവണയാണ് പാചക വാതകത്തിന് വില കൂടുന്നത്. ഗാര്‍ഹിക സിലിണ്ടറിന് 49 രൂപയും വാണിജ്യ സിലിണ്ടറിന് 78.50 രൂപയുമാണ് കൂട്ടിയിരിക്കുന്നത്. ഇതോടെ ഗാര്‍ഹിക സിലിണ്ടറിന് 688 രൂപയും വാണിജ്യ സിലിണ്ടറിന് 1228 രൂപയുമാണ് വില.

രാജ്യാന്തര വിപണിയിലെ ഇന്ധന വിലയുടെ വര്‍ധനവാണ് സമാന്തരമായി പാചക വാതക വിലയിലും പ്രതിഫലിച്ചത്. അതേപോലെ ഡോളറിനെതിരെയുള്ള രൂപയുടെ മൂല്യത്തില്‍ ഉണ്ടായ ഇടിവും പാചക വാതക വില വര്‍ധനവിന് കാരണമായി.

പാചക വാതകത്തില്‍ സബ്‍സിഡിയുള്ള ഉപഭോക്താക്കള്‍ക്ക് 190.66 രൂപ തിരികെ ലഭിക്കുന്നതാണ്. സബ്‍സിഡി ഒഴികെ 497.84 രൂപയാണ് ഫലത്തില്‍ വരുന്നത്.

പാചക വാതക വിലയില്‍ ജൂണ്‍ മുതല്‍ ഈ മാസം വരെ 14 രൂപയുടെ വര്‍ധനവാണ് ഉണ്ടായിരിക്കുന്നത്.